новонастанат (прид.)
Во новонастанатите општествени спротивности Хегел не ги забележува нужните услови за понатамошниот дијалектички развој на општеството, туку противречувајќи си наполно на своето учење за сеопштото движење и незадржливиот развој, најдобриот општествен поредок го наоѓа во статичната пруска монархија, во која, според него, нема спротивности, па спрема тоа ни услови за развој во понатамошен, повисок општествен облик.
„Значењето на Хегеловата филозофија“
од Кочо Рацин
(1939)
БОРИС: Ќе ме извиниш Алексеј, процедура е процедура. (Американецот витка цигара. Забавна му е новонастанатата ситуација.) Хашиш?
„Диво месо“
од Горан Стефановски
(1979)
Новонастанатиот кич необично потсетува на Гогољевиот пливач во езерото кој ги гушка двата лебеда во езерото и ја заведува убавата девојка на балконот.
„МАРГИНА бр. 8-9“
(1994)
Токму поради оваа новонастаната ситуација, писмото до Карл од Марија, не можеше веќе ни во кој случај да дојде во рацете на родителите на Хелвиг.
„Омраза - длабоко“
од Драгица Најческа
(1998)
- Аха, ама се зафркнале! – се обиде Лета да ја игнорира новонастанатата ситуација.
„Игбал, мојата тајна“
од Јагода Михајловска Георгиева
(2000)
Го бара своето место во новонастанатите околности.
„Синот“
од Србо Ивановски
(2006)
Спокојно ја следеше новонастанатата ситуација, гледајќи ту во едните, ту во другите.
„Мудрецот“
од Радојка Трајанова
(2008)
Затоа треба да се менуваат зависно од промената на новонастанатите услови.
„Мудрецот“
од Радојка Трајанова
(2008)
Во новонастанатата ситуација единствено градовите го задржале своето старо уредување и можеле да донесуваат свои закони и да избираат сопствени магистрати.
„Џебна историја на македонскиот народ“
од Група автори
(2009)
Во новонастанатата состојба, нацистичка Германија ги вложила сите свои сили за да ги заштити своите интереси во Западна Македонија.
„Џебна историја на македонскиот народ“
од Група автори
(2009)
Поради ова, синдикатот во битолската топлификација, имајќи ја предвид новонастанатата ситуација, во декември 2007, одржува состанок на кој го разгледува предлогот на „Топлификација“ АД – Скопје за уредување на статусот на вработените, и донесува одлука во која јасно истакнува дека тој предлог ќе го прифатат само под следните таксативно наведени услови: 1) исплата на платата за месец септември, најдоцна до 25.12.2007; 2) од парите собрани од наплатата приоритет да имаат исплатите на придонесите и платите; 3) претседателот на синдикатот да има увид во изводот од банка, 230 со цел да не се вршат други плаќања сѐ додека не се исполнат обврските со плати и придонеси кон сите вработени; 4) исплатата на отпремнината да биде во склад со ЗРО (2005) и да се исплати до денот на престанувањето на работниот однос.
„Работни спорови - Позитивни примери од судската пракса“
од Димитар Апасиев
(2011)
Марковски, како претседател на синдикатот, се почувствува повикан да реагира на новонастатата ситуација.
„Работни спорови - Позитивни примери од судската пракса“
од Димитар Апасиев
(2011)
Всушност за целата новонастаната ситуација вработените, меѓу кои и Вујошевиќ, имаа големо разбирање.
„Работни спорови - Позитивни примери од судската пракса“
од Димитар Апасиев
(2011)
Меѓутоа, во новонастанатата констелација на силите на Балканот, кога советската армија се наоѓала во Романија, Бугарија и во еден дел на Југославија, британскиот политички врв сметал дека е беспредметно да заговара една таква заедничка федерација.
„Македонија низ нишанот на САД и Британија“
од Тодор Чепреганов
(2012)
Во таа новонастаната ситуација, политичките стратези во Британската разузнавачка служба сфатиле дека тоа е погоден момент да испратат свои мисии на територијата на Македонија.
„Македонија низ нишанот на САД и Британија“
од Тодор Чепреганов
(2012)
По новонастанатата состојба со окупацијата на Кралството Југославија, на страниците на американскиот печат се појавиле и написи во кои јавноста се запознавала со етнографските и географските карактеристики на Кралството Југославија.
„Македонија низ нишанот на САД и Британија“
од Тодор Чепреганов
(2012)
Рада прескокнувајќи ги деталите, криејќи цело поглавје од својот живот, ја запозна мајка си со новонастанатата реалност.
„Последната алка“
од Стојан Арсиќ
(2013)
