побледен (прид.)
Неочекувано за сите, кога камшикот по третпат се крена, луничавиот Борис Калпак застана пред бегот, речиси се подаде да биде удрен, но бегот остана со крената рака, побледен и со грч на лицето.
„Тврдоглави“
од Славко Јаневски
(1990)
- Јас ќе си одам, мене ми се слоши од возење – рече по некое време братучет ми и ми се виде навистина побледен.
„Игбал, мојата тајна“
од Јагода Михајловска Георгиева
(2000)
Бегот го изгледа ибн Тајкота, кој сега побледен се подаваше кон џамот.
„Вежби за Ибн Пајко“
од Оливера Николова
(2007)
Неговите скрипти ги згазна коњот со копитото, како свесно да знаеше дека токму така треба да се држи спрема него, да му се потсмее презриво за сета мака што повеќе од едно десетилетие го превива над смислата на овие извалкани и побледени табаци.
„Послание“
од Блаже Конески
(2008)
