олеле (изв.)
- Олелее! – плаче Зоки сега уште погласно. – Баба, ба...баба не ми да-дава да сле-слезам од масатааа!
„Зоки Поки“
од Оливера Николова
(1963)
Па, ако смее де, нека лизне! Ајде! Олеле, олеле!
„Зоки Поки“
од Оливера Николова
(1963)
Ако кажиш кои се тие пезевенци, нека платат тие со главата свој, зошто да одит твојот глава за туѓ олеле.
„Толе Паша“
од Стале Попов
(1976)
Ќе бегаш и - олеле, олеле, ќе викаш и ќе си дуваш во прстите од силна болештина.
„Пиреј“
од Петре М. Андреевски
(1983)
Лесно им е со туѓото олеле.
„Небеска Тимјановна“
од Петре М. Андреевски
(1988)
Секаде е олеле, што се вели, никаде не е сигурно.
„Небеска Тимјановна“
од Петре М. Андреевски
(1988)
„А ти - за инает! Престани!“ силно ме стегна за рака. „Олеле, боли!“ извикав.
„Клучарчиња“
од Бистрица Миркуловска
(1992)
- Сѐ е така, мила мајко. Олеле!
„Авантурите на Дедо Мраз“
од Ристо Давчевски
(1997)
„ ... Откако пукнав, олеле, што направив, си реков.
„Продавница за љубопитните“
од Мето Јовановски
(2003)
Трчаат луѓето од едно место до друго, од еден крај до друг, трчаат и внимаваат да не ги видат, да не ги дефинираат како идиоти, како типови кои споро размислуваат, уште поспоро реагираат оти коефициентот на интелигенција им е олеле мајко.
„Календар за годините што поминале“
од Трајче Кацаров
(2012)
Тој, свесен дека гласот таков каков што му го дал Господ, далеку нема да му се слушне и дека песната му е „олеле мајко“, побарал поткрепа во шампионот во уметничко лизгање Евгениј Плушенко и во неговата импресивна точка на мразот поставен за таа намена на сцената.
„Календар за годините што поминале“
од Трајче Кацаров
(2012)
Ете, како дедо му... Му ја потфатил љубовницата на мајорот и потоа олеле... јајцата...
„Големата удолница“
од Петре Наковски
(2014)
