испресече (св.)
Од последното стебло на буковата шума косо се спушта неголема чука и станува испресечена со ендеци и ретки куси сенки од дивите грмушки.
„Кловнови и луѓе“
од Славко Јаневски
(1956)
Сиот бев испресечен со црни и жолти подвижни линии.
„Кловнови и луѓе“
од Славко Јаневски
(1956)
Виделината беше мека и испресечена од неколкуте вкрстосани жици околу пламенчето.
„Белата долина“
од Симон Дракул
(1962)
Новиот град на Марна ќе биде испресечен со паркови и зеленило, со езера и рекреативни центри.
„Патувања“
од Никола Кирков
(1982)
Толку многу има канали што човек помислува дека водата е испресечена со парчиња земја.
„Патувања“
од Никола Кирков
(1982)
Статистичарите забележале дека зеленилото на овој парк му го даваат 6.000 иглолисни дрвја на големата шума во паркот која е култивирана, испресечена со патеки, во кои софијанецот и обичниот патник, во пеколно жешките дни, можат да се освежат и одморат, а најмалите софијанци да се наиграат зашто тој е начичкан со детски игралишта...
„Патувања“
од Никола Кирков
(1982)
И така, врвеле коли и ја испресекле лепешката и ние од една лепешка сме станале многу лепешки, многу гомна... Сите ги видов овдека и сите исто смрдиме. 71
„Пиреј“
од Петре М. Андреевски
(1983)
Испресечена рамница од суви бразди и ритчиња.
„Небеска Тимјановна“
од Петре М. Андреевски
(1988)
Земјата по мене видливо се движи и сета испресечена со маглени реки и светлосни риги.
„Забранета одаја“
од Славко Јаневски
(1988)
Над нас мракот беше испресечен со зелени пукнатини, под нас земјата се грчеше од гнев.
„Тврдоглави“
од Славко Јаневски
(1990)
Затоа можеби и му се сторило - ако игуменијата се насмее, усните ќе ѝ испукаат на сите оние места кај што биле испресечени со танки женски брчки.
„Тврдоглави“
од Славко Јаневски
(1990)
Луѓе облечни во бели долги кошули се движеа во круг испуштајќи необични звуци во испресечен ритам.
„Потрага по Елен Лејбовиц“
од Луан Старова
(2008)
Од лево одеше испресечен дол и по него жуберкаше матно рекче.
„Послание“
од Блаже Конески
(2008)
Сега Прењес е гратче испресечено со асфалтирани улици, со нови станбени згради, новоизградени приватни куќи, со водовот и канализација, кафеани и кафулиња, таверни и ресторани, банки, пошта, амбуланта, аптеки; железничка станица.
„На пат со времето“
од Петре Наковски
(2010)
Паркот беше послан со мека трева, испресечен со патеки, покрај кои имаше клупи.
„Сестрата на Сигмунд Фројд“
од Гоце Смилевски
(2010)
Долгата линија на надежта при исчекувањето ја испресекуваше стравот кој ме будеше секое утро, стравот кој не спиеше и ме мачеше и во сонот.
„Сестрата на Сигмунд Фројд“
од Гоце Смилевски
(2010)
