импресионира (св. и несв.)
Рака на срце, јас сум тука одвај неколку часа и немам право да зборувам, ги немам објективните аргументи, но од она што набрзина го видов, не сум импресиониран.
„Диво месо“
од Горан Стефановски
(1979)
Доволно се обидувате да ме импресионирате со вашите интелектуални способности.
„Диво месо“
од Горан Стефановски
(1979)
Не поретко тој нѐ импресионира со својата техничка виртуозност и го привлекува нашето интересирање со своите иновативни експерименти што ја возбудуваат публиката, навредувајќи нѐ со својата безгрижна незаинтересираност за светоста на уметноста и за митската фигура на уметникот.
„МАРГИНА бр. 32-33“
(1996)
Не беше импресиониран.
„МАРГИНА бр. 10“
(1997)
Дури и Џулија изгледаше како да е импресионирана.
„1984“
од Џорџ Орвел
(1998)
Она што го импресионираше Винстон и сега, кога се сеќаваше на тоа, беше фактот дека говорникот се префрли од една линија на друга практично сред реченица, и тоа не само без пауза, туку и без менување на конструкцијата на реченицата.
„1984“
од Џорџ Орвел
(1998)
Посебно, Татко беше импресиониран од моќта на јагулата да се прилагодува, да се преобратува, во пресрет на семоќните уништувачки сили на патот.
„Патот на јагулите“
од Луан Старова
(2000)
„Импресионира? Изненади, зачуди, восхити, вчудовиди - што значење ќе е?“ го запраша Нина Влатко.
„Тополите на крајот од дедовата ливада“
од Бистрица Миркуловска
(2001)
Како што се гледа, и по својот состав судот требало да импресионира.
„Солунските атентати 1903“
од Крсте Битоски
(2003)
Облечен во беспрекорна чиста бела облека, ги импресионирал со достоинственото однесување.
„Ветришта“
од Радојка Трајанова
(2008)
Беше посебно импресиониран од примерот на Франција, како земја во која се почитува легитимитетот на различните изразувања.
„Потрага по Елен Лејбовиц“
од Луан Старова
(2008)
Ми текнува дека ич не го разбрав, ама ептен бев импресиониран: двајца типови со американски знамиња на јакните пичат уздуж и попреку по цела Америка.
„Бед инглиш“
од Дарко Митревски
(2008)
Таа сакаше расказите да му се допаднат токму нему, единствениот кој не беше импресиониран.
„Сонце во тегла“
од Илина Јакимовска
(2009)
Се разделивме. Повеќе никогаш не се видовме. Бев импресиониран од неочекуваниот настан.
„Амбасади“
од Луан Старова
(2009)
Бевме сигурни дека ќе беше импресиониран и горд што твојот син беше на пракса во една вака средена болница.
„Седум години“
од Зорица Ѓеорѓиевска
(2012)
Камилски беше посебно импресиониран од бројот на турските заемки од областа на градежните материјали кои навлегле во балканските јазици од кои некои се употребуваат и денес.
„Балканвавилонци“
од Луан Старова
(2014)
Нешто што најмногу ме импресионираше кај луѓето тоа беа нивните очи.
„Животот од една слива“
од Зорица Ѓеорѓиевска
(2014)
