добредојден (прид.)
Се натрчаа сите и добродошол беше му рекле.
„Силјан штркот“
од Марко Цепенков
(1900)
Нека ни е добредошла новата ластовичка во нашето градинче, да ѝ даде господ здравје и живот и шо ѝ срце сака!“ — заврши Бино, очигледно трогнат, бришејќи си ги солзите со ракавот од шајачното палто.
„Крпен живот“
од Стале Попов
(1953)
- Повели, влези, - му извика дедо ми. – Каков изим за добредојдениот? Ајде, седни тука поблиску до огнот.
„Крстот камбаната знамето“
од Мето Јовановски
(1990)
Ѕирка во мене одгоре, како да лежам во некој сандак, или во џиновски куфер, или на колор фотографијата на средната станица на шарениот журнал, добредојден да се скуси здодевното патување со празен воз.
„Слово за змијата“
од Александар Прокопиев
(1992)
Овие кози се вистински добродојдени и во исто време носат силна политичка порака.
„Времето на козите“
од Луан Старова
(1993)
Велам дека се добродојдени зашто претставуваат антитеза на идејата на сѐ што е жестоко, навредливо и ранливо за човекот...
„Времето на козите“
од Луан Старова
(1993)
Дали оставивте да поверува дека е добродојден нудејќи му место до себе на трпезата?
„Жената на белогардеецот“
од Србо Ивановски
(2001)
А тој ми вели: „Знаев, мајче, дека сум добредојден.
„Синот“
од Србо Ивановски
(2006)
Дали оставивте да поверува дека е добредојден нудејќи му место до себе на трпезата?
„Посегање по чудесното“
од Србо Ивановски
(2008)
Трговски центри го заменија градскиот плоштад, но постои значајна разлика во нивната функција: „За разлика од старите градски плоштади, кои беа и сѐ уште се места на дискусија на заедницата, на протести и политички собири, единствениот вид на говор што тука е добредојден е маркетиншкиот и другите видови на потрошувачки жаргон.
„Простори на моќта“
од Зоран Попоски
(2009)
Сѐ поретко ја гледав Клара. Таа повеќе не доаѓаше во болницата, ретко ја посетуваше Сара, кога доаѓаше кај мене мајка ми секогаш наоѓаше некој неубав збор за неа, и таа не се чувствуваше добредојдена.
„Сестрата на Сигмунд Фројд“
од Гоце Смилевски
(2010)
Ех, како би бил добредојден еден непостоечки Дедо Мраз да го врати во детството, во она време кога добиваме играчки и покрај тоа што не веруваме во него; кога самото постоење е доволна причина да се биде сакан; кога нашата прегратка е награда за возрасните, а насмевката е топлина за присутните во собата; несмасните зборови се причина за развеселување, a едно одење до продавница изнудува пофалба.
„Азбука и залутани записи“
од Иван Шопов
(2010)
„Се разбира! Нека оди по ѓаволите, добредојден е.“
„Црни овци“
од Катица Ќулавкова
(2012)
Никогаш не помислив дека ќе минеш низ неволјите за да дојаваш дури до еден ваков стар, запустен ранч. Но, бескрајно си добредојден.
„Црни овци“
од Катица Ќулавкова
(2012)
Парацелзус го испрати до работ на скалата и му рече дека секогаш е добредојден во неговата куќа.
„Црни овци“
од Катица Ќулавкова
(2012)
- Не биди дете, кој може да дознае каде престојуваш, а парите за кирија би ти биле добредојдени за џепарлак.
„Последната алка“
од Стојан Арсиќ
(2013)
За Рада оваа покана беше добредојдена заради монотонијата која владееше последните денови.
„Последната алка“
од Стојан Арсиќ
(2013)
А во куќата имаше постојано гости кои секогаш беа добредојдени.
„Животот од една слива“
од Зорица Ѓеорѓиевска
(2014)
Татко и Камилски, работејќи на проектот, ја запоставија нивната дополнителна работа, преведувајќи стари османскотурски документи по нечија порачка, за некоја дополнителна добредојдена паричка.
„Балканвавилонци“
од Луан Старова
(2014)
Ти си секогаш, мој мил пријателе, добредојден во мојата библиотека.
„Балканвавилонци“
од Луан Старова
(2014)
