паралелно (прил.) - во (предл.)

Според 1313-та страница на „Историјата на тајните“ Ниќифор Правдољубивиот, создадена паралелно во мемливата темнина на затворот со прочуената негова Историја на пресветлото царство, во 101 книга, патрицијот го напушта градот, во годината на последното ходочестие, на 17 октомври, три дена пред почетокот на процесиите.
„Слово за змијата“ од Александар Прокопиев (1992)
Со него, паралелно во ист ритам, одеше и неговиот бик Чако, разјарен, лаком во своите потреби, кој подгонет од неудобноста на студот, веднаш јурна низ угорницата, без да го почитува својот стопан.
„Мудрецот“ од Радојка Трајанова (2008)
Подготовките околу веридбата течеа паралелно во двете семејства.
„Последната алка“ од Стојан Арсиќ (2013)