дома (прил.) - сам (прид.)

Неуморно работи, вежба. Дома сама, со ансамблот во театарот, не пропушта прилика повеќе да научи, да се усоврши.
„Бојана и прстенот“ од Иван Точко (1959)
Сево ова го изговарам многу мирно и божем рамнодушно, како да е сосема исто да си дома сам, и да си дома со мајка ти и татко ти.
„Игбал, мојата тајна“ од Јагода Михајловска Георгиева (2000)
Оти јас мислам дека и така ти не би могол да ја оставиш Антица дома сама.
„Антица“ од Ристо Крле (1940)
„Ти не знаеш како е кога си дома сам. Нема кој да те пречека, нема кој да ти принесе да јадеш, дури и да те потсети дека треба да јадеш.
„Клучарчиња“ од Бистрица Миркуловска (1992)