нејзин (прид.) - потсвест (имн.)

Додека трепереше во исчекување, во нејзината потсвест повторно се појави тој, но и таа, во филмот наречен голема љубов.
„Последната алка“ од Стојан Арсиќ (2013)
Долго време незборувани, овие други јазици се пластеа во лавиринтот на нејзината потсвест.
„Ервехе“ од Луан Старова (2006)
Знаените и незнаените јазици, кажувани или задржувани во нејзината потсвест, и тие беа во функција на спасувањето на чедата и на семејството.
„Ервехе“ од Луан Старова (2006)
Како задолжена за неговата врева во животот, Мајка влегуваше во библиотеката без некој поголем повод, водена од грижата во нејзината потсвест, за да си го врати мажа си, од тишината, во реалниот живот, во секојдневието на семејството.
„Тврдина од пепел“ од Луан Старова (2002)
Но сонот за сплаварот и душите веќе ја беше ископачил сликата во нејзината потсвест.
„Последната алка“ од Стојан Арсиќ (2013)
Сега, од нејзината потсвест, притискаше „италијанската врска”.
„Ервехе“ од Луан Старова (2006)