ДИГИТАЛЕН РЕЧНИК НА МАКЕДОНСКИОТ ЈАЗИК

Прикажуваа секогаш, кога ќе го видеа него, а најчесто му прикажуваа за неговиот предедо додека тој растеше; му прикажуваа нему, додека ја земаше врз себе ликата на својот предедо.

Една вечер тој негов предедо наместил на една врвица во некоја корија стапица за диви свињи.

Дури тогаш на оној негов предедо со довикување му се јавиле двајцата други ловци од селото, што стоеле за сето време тука, меѓу дрвјата, дојдени од другата страна, подлагани од оној лелек, а само малку подоцна од него.

При секоја негова малку почудна постапка во неговото растење и во младоста постарите луѓе околу него климнуваа со главата и зборуваа сѐ за оној, за неговиот предедо.

Но, неговиот предедо не помислил, како воопшто да не му текнувало, за таа негова пушка, прикажана по својата убоитост, додека ја гледал мечката фатена во Неговата стапица.

И оној негов предедо, со една покуса нога, се наведнал и речиси се допрел со своето лице во тврдото, полно со миризба на шумите и на дивината, топло, смрдливо влакно од колкот на мечката, а со своите две раце и со двете нозе тој прво ја исправил стапицата, а после се навалил со целата тежина на своето тело над двете маши од двете страни и ја отворил неа.

Бил тоа еден од неговите предедовци.