друг (прид.) - карактер (имн.)

Но тогаш играта имаше друг тек, а и разговорот имаше друг карактер. Беше тивок, смирен, доверлив.
„Балканвавилонци“ од Луан Старова (2014)
Вселенските империи, сагите за борбата за власт меѓу цивилизациите и гламурозните вселенски бродови беа заменети со прецизно синтетизиран универзум на злоба и насилство, кадешто секојдневието се состои од wirehead киборзи (полулуѓе, полумашини, зависници од електрошокови), електронски пирати, бескрупулозни pusher-и (продавачи на дрога), полиморфни перверзни ликови и други карактери што живеат на рабовите на hi-tech (високо технолошко развиеното) општество.
„МАРГИНА бр. 22“ (1995)
И сите можни балкански противречности, разликите од верски, од етнички и од друг карактер, кои кај други и наоколу можеа да предизвикаат раздор, судири, омраза, нетрпеливост, на нејзиното спокојно и мирно лице, особено во нејзината благородна душа, се помируваа, се смируваа.
„Ервехе“ од Луан Старова (2006)
Таа имала сосема друг карактер, таа служи до денешни времиња и никогаш не се побунила против својот владател.
„Балканвавилонци“ од Луан Старова (2014)