од (предл.) - лошо (имн.)

Се обидувам да ги утешам Мајкл и Кори објаснувајќи им дека од лошо има и полошо.
„Бед инглиш“ од Дарко Митревски (2008)
Напомош да ни е Новата година. Бериќетлија да ни биде и од лошо да нѐ чува.
„Крстот камбаната знамето“ од Мето Јовановски (1990)
Моралот и пристојноста му беа вродени. Инстиктивно знаеше да го разликува доброто од лошото.
„Невестата на доселеникот“ од Стојан Христов (2010)
Сите приходи кои доаѓаа од угостителскиот објект се слеваа во централната благајна на установата, но за возврат таа воопшто не вложуваше во угостителската единица.
„Работни спорови - Позитивни примери од судската пракса“ од Димитар Апасиев (2011)
Следствено на тоа, во наредниот период, почнуваат да се чувствуваат последиците од лошото стопанисување со установата, а вината за таквото работење едноставно се префрла на самиот угостителски објект.
„Работни спорови - Позитивни примери од судската пракса“ од Димитар Апасиев (2011)
Уф, кандилово угаснало! (Клекнува пред иконата и се крсти). Свети Никола златен, варди ни го и чувај ни го батета од лошо. (Ја откачува иконата од ѕидот, ја бакнува и пак ја става на местото.
„Парите се отепувачка“ од Ристо Крле (1938)
Одвај се држеше на нозе. Но не од лошо. Од што му беше убаво, преубаво.
„Бојан“ од Глигор Поповски (1973)
Си зел в раце едно дрво некастрено како за стап, раце да му се најде, за од лошо да се брани, и тргнал на угорното да оди.
„Силјан штркот“ од Марко Цепенков (1900)
Се разбира дека не поминаа ни арно, но има од лошо полошо, та затоа велиме дека не поминаа лошо.
„Калеш Анѓа“ од Стале Попов (1958)
- Од лошо има и полошо - одговори чичко Тале.
„Волшебното самарче“ од Ванчо Николески (1967)