Колокации | Дигитален речник на македонскиот јазик

Ако земеш Екстази, веројатно во извесен момент си внел во себе едно или сите овие нешта, бидејќи повеќето од она што Херман го нарекува „срање“ си го наоѓа патот до другите земји (Британија) каде што нема тестирање, па можеш само да претпоставуваш на што си.

„МАРГИНА бр. 37“ (1997)

Виолетовото значи кокаин, зеленото хероин.

„МАРГИНА бр. 37“ (1997)

Пред осум илјади години нашите предци имале чувство за сите овие науки.

„Ветришта“ од Радојка Трајанова (2008)

Како можел да делува совесно, во многу тешки услови на живот, и при тоа да ги брани одбележјата на културата, уметноста, јазикот, како се изборил за привилегијата: да бидат сочувани сите овие богатства?

„Ветришта“ од Радојка Трајанова (2008)

- Бого Словени! Богословено! Во сите овие зборчиња, нанижани на една тајна вековна низа, се проткајува една нишка, еден одговор на вековното прашање: Зошто нѐ нарекуваат словени? ***

„Ветришта“ од Радојка Трајанова (2008)

Во сите овие три земји, колку и да сакаат да свират на пијано во Европа, остануваат прврзани на планинските кавали.

„Времето на козите“ од Луан Старова (1993)

Ги знаев јас сите овие покојници – или и делото и неделото.

„Балканска книга на умрените“ од Мето Јовановски (1992)

Исак веднаш ја отвори книгата за теоријата на веројатност, за да се потсети како гласеа некои од правилата што ги имаше подзаборавено, бидејќи поминаа веќе 10 години од завршување на образованието, кое и онака не му послужи многу на работното место што го имаше сите овие години наназад.

„Вител во Витлеем“ од Марта Маркоска (2010)

И додека ги користев сите овие механизми, застанав пред еден подолг ходник, во кој имаше темно-жолтеникава светлина.

„Патувања“ од Никола Кирков (1982)

Сите овие процеси се управуваат преку централни командни табли поставени во котелните објекти. Затоа во овој огромен комбинат, кога тој ќе биде наполно завршен, ќе работат само 700 работници.

„Патувања“ од Никола Кирков (1982)

Сите овие мерки беа потребни: од паѓањето му остана на горната усна засек, па на некој начин требаше да се даде објаснение за тоа.

„Послание“ од Блаже Конески (2008)

Таков, тој изгледаше како некое смерно свештено лице што реди молитви за спасот на сите овие несреќни души и за умилостивување на оној што со мошна рака ги собрал овде на куп.

„Послание“ од Блаже Конески (2008)

Тој ги прави сите овие чуда... - Кој? - Лангачот, име му се сотрело!

„Дружината Братско стебло“ од Јован Стрезовски (1967)

Тој знаеше дека сите овие чорбаџии располагаат со добри парички, та ќе може да ги уцени и да направи еден „алашвериш", како ги викаше тој своите подвизи.

„Толе Паша“ од Стале Попов (1976)

— Ќе си ја земиш ли ти таа грижа со твоите Анадолци да ја свршиш уште таа работа? — го праша Дургут Бахтијара, што требаше во исто време да значи и заповед за акција, бидејќи Дургут беше главен заповедник на сите овие вооружани сили.

„Толе Паша“ од Стале Попов (1976)

А сведенијата беа, ете, точни. Токму тука се најдуваа сите раководни лица на востаничкото движење.

„Толе Паша“ од Стале Попов (1976)

Но Аце на 28 години имал поголеми мадиња за разлика од сите овие педесетгодишни давајгазовци кои во своите битки можат да се пофалат само со разранети колена и згрбавен рбет.

„Двоглед“ од Горан Јанкуловски (2011)

Сложената динамика на простите системи Сите овие осцилирачки системи стануваат хаотични поради тоа што го содржат елементот на „фидбек“.

„МАРГИНА бр. 26-28“ (1996)

Сите овие нешта ги дискутиравме заедно.

„МАРГИНА бр. 11-12“ (1995)

Тој го имаше предвид начинот на кој делата беа инсталирани; тој целосно ги објаснуваше своите идеи во овој однос, опишувајќи ја нивната позиција и меѓусебен однос, како тие треба да бидат сместени, и како да бидат изложени во иднина.

„МАРГИНА бр. 11-12“ (1995)

Само на овој начин изложбата може да дише, батериите да се полнат, енергијата да циркулира, и материјата да го изрази својот магнетизам.

„МАРГИНА бр. 11-12“ (1995)

Си се врати веднаш во зоната на својата тишина, и продолжи одмерено, небаре ги диктира елементите од извештајот што требаше да го поднесе комисијата пред Партијата и пред власта: - Сите овие сиџили, односно кадиски регистри или протоколи, пишувани или препишувани од разни кадии, помеѓу 1607 и 1912 година, колку што може да се забележи од овој бегол увид, пишувани на арапскотурски јазик, најголемиот дел се однесуваат на положбата на селаните, на чифлигарството, на верските конверзии, на матролозите, на дервенџиите, на јаничарите...

„Тврдина од пепел“ од Луан Старова (2002)

Целта на сите овие ритуали, конвенции, маскирања, собирања, системи од правила и приоди, е еден од парадоксите што самиот живот го воздигнуваат до уметност.

„МАРГИНА бр. 8-9“ (1994)

Сите овие лица се предани на делото, некои од нив веќе се истакнале на книжевно поле, други како учители, а меѓу нив има и такви кои многу работеле на изгонувањето на фанариотите.

„Потковица на смртта и надежта“ од Миле Неделкоски (1986)

За сите овие настани живиот дух на потковичаните исковал едночудо приказни, а животот до ден-денешен ги додржал.

„Потковица на смртта и надежта“ од Миле Неделкоски (1986)

„Сите овие бедни и анонимни егзекутори, чии имиња се сведени на иницијали: А.А., Х.Х., З.З., Ц.Ц., О.О., како и многу други, сѐ до исцрпувањето на азбуката, - сите овие недопирливи суштества, сретнати или не, сведочат за последната мрачна епизода на старата традиција на жртвувањето што на Балканот не престанала до наши дни.”

„Атеистички музеј“ од Луан Старова (1997)

Отсекогаш верував дека ваквите разговори нему многу му годат.

„Синот“ од Србо Ивановски (2006)

Сите овие мои размислувања, можеби во некој поинаков редослед, гласно ги искажав пред Боге од Бањи.

„Синот“ од Србо Ивановски (2006)

Со нестрпливост, нејзините мисли ги опфатија сите овие места, и пред нејзината глетка блеснаа дури и оние места за кои таа не беше сосема свесна.

„Невестата на доселеникот“ од Стојан Христов (2010)

Во тој миг сакав да го убијам тој невиден простак; во тој миг ми се згади и од Луција; веќе ништо не сакав, во мене имаше само гнев; тогаш, пред вратата, првпат помислив дека најдобро е да се замонашам, да си ги отсечам на еден симболички начин гениталиите поради кои страдав, да се самокастрирам, да ги оставам сите овие влекачи и инсекти околу мене да се плодат и да се размножуваат до бескрај; своите песни да му ги испејам на Бога, а не на лукава и притворна жена, или на некој дволичен Хор; сепак, чукнав уште еднаш, но тој поворно не одговараше.

„Папокот на светот“ од Венко Андоновски (2000)

Јас ја имав Здењичка, и сѐ уште ја имам, фала му на Бога, и тоа и ме одржа во живот сите овие години.

„Папокот на светот“ од Венко Андоновски (2000)

-Интересни работи кажуваш. Каде ги насобра сите овие мудрости?

„Мудрецот“ од Радојка Трајанова (2008)

– Сите овие пречки, според законот на условеност, човекот треба да ги надмине, достигнувајќи прибраност, преку која се доаѓа до самоодрекување кое, пак, е услов да се достигне смиреност.

„Мудрецот“ од Радојка Трајанова (2008)

Пак го почувствував она истото, како кога разговаравме со татко ми - во сите овие мои борби - ако веќе мора да биде некоја, тогаш најдобро таа, Вера.

„Друга мајка“ од Драгица Најческа (1979)

Колку ни значеше таа во сите овие ужасни денови... Ни беше незаменлива...

„Друга мајка“ од Драгица Најческа (1979)

Сфатив и тоа зошто Марина беше таква во сите овие денови.

„Друга мајка“ од Драгица Најческа (1979)

Моќта на индивидуите со отворен ум да донесуваат и пре-донесуваат одлуки за сопствените животи, да произведуваат, готват, измислуваат, избегнуваат свои сопствени лаги, е сериозно ограничена.

„МАРГИНА бр. 32-33“ (1996)

Во сите овие статични, примитивни општества, мислењето е привилегија на оние што го контролираат оружјето.

„МАРГИНА бр. 32-33“ (1996)

Младите немаат моќ, немаат глас, немаат избор.

„МАРГИНА бр. 32-33“ (1996)

Што покажуваат сите овие фактови?

„За македонцките работи“ од Крсте Петков Мисирков (1903)

110. Како активен учесник во сите овие манифестации на младата македонска интелигенција, Мисирков навистина точно ги предава настаните што може наполно да се следат во постојната архивска документација во Белград.

„За македонцките работи“ од Крсте Петков Мисирков (1903)

30. Во Источна Румелија (Јужна Бугарија) во тоа време живееја Бугари, Грци и Турци, па се признаваа и сите овие јазици, но по присоединувањето кон Бугарија постепено Грците и Турците речиси наполно беа иселени.

„За македонцките работи“ од Крсте Петков Мисирков (1903)

Бомби во полициски станици, убиства на полицајци, судири на гранични патроли со вооружени лица – сите овие нешта ги имаше и порано.

„На пат кон Дамаск“ од Елизабета Баковска (2006)

Залудноста на овој долг марш низ снегот, студенилото на зимата околу него, безнадежноста на оружјето со кое беше натоварен и, на крај, самотијата среде шумата – сите овие чувства како сега одеднаш да му отворија некаква дупка во душата.

„На пат кон Дамаск“ од Елизабета Баковска (2006)

Сите овие денови, додека се шушкаше дека некаде се крчка некој политички договор за примирје, од нивната позиција преку двогледи гледаа како долу во градот секојдневно минуваат возила, бели џипови со црни таблички и по патот се искачуваат нагоре кон селата, па потоа повторно слегуваат надолу, побргу отколку што се качуваа.

„На пат кон Дамаск“ од Елизабета Баковска (2006)

Колку и да не сакаше да си признае, и тој го чувствуваше гневот на претпоставениот.

„На пат кон Дамаск“ од Елизабета Баковска (2006)

Во таа дупка почнаа да пропаѓаат сите слики на оние што ги сакаше, блиските луѓе, сите звуци на музиката со која живееше, сите негови сеќавања, сиот тој мозаик од ситни спомени на еден помалку или повеќе вообичаен човечки живот.

„На пат кон Дамаск“ од Елизабета Баковска (2006)

Секогаш се трудеше во секоја од нив да го стави токму она, по што беше посегната таа, а многу често притоа знаеше да забележи дека всушност и тој има едни две сосема исти како оние раце, тоа беше добро видливо секогаш, кога ќе ги добереше до нивните раце што бараа, своите, што подаваа, а после мислеше дека е и тој еден многу сличен човек на сите овие луѓе, што му доаѓаа и со кои работеше.

„Белата долина“ од Симон Дракул (1962)

Сум била и јас несилка, сиот овој грагор, сите овие наредени стомнина што спијат, сум ги износила и сум ги снесла.

„Пиреј“ од Петре М. Андреевски (1983)

Жан Мартин пак прашува: - А кој ќе плати да пиеш она што се јаде и да јадеш она што се пие? Тони пак одговара: - Сите овие што седат овде. Се разбира, дамите повеќе. Јас сум за нив неодолив.

„Кловнови и луѓе“ од Славко Јаневски (1956)

- Доста, доста! - подвикна Никодин. Да не бевме ние, кој ќе ви ги направеше сите овие фабрики?

„Последната алка“ од Стојан Арсиќ (2013)

Земајќи ги предвид сите овие поединости, мислам дека нема да биде претерано да се предложи хипотезата дека со изборот на овој псевдоним Duchamp имплицирал дека самиот го достигнал статусот на посветеник.

„МАРГИНА бр. 6-7“ (1994)

На тој начин, дишењето станува носител на бесмртното и божествено во човекот.”

„МАРГИНА бр. 6-7“ (1994)

Во финалето на последното кажување Веселин, Мена и малиот раскажувач ќе слезат кон полето исполнети со дрвени некролози и ќе почувствуваат неодложна желба да ги уништат табличките, тие морничави белези на умирањето: „Сите овие проклети крстови ќе ги искорнеме, рече Веселин, сите до еден.

„Големата вода“ од Живко Чинго (1984)

Да, реков јас сите овие крстови ќе ги снема од полето.

„Големата вода“ од Живко Чинго (1984)

Сите овие татлии се попаруваат со шербет (од арапски erbet), поголемиот дел се меси со нишесте (од персиски nieste).