некој (зам.) - измена (имн.)

Се загледав внимателно во лицето од татко ми и не знам зошто ми се стори дека во него има некои измени, дека крие од мене нешто.
„Друга мајка“ од Драгица Најческа (1979)
Додека ја кастри оградата, додека собира лисје по дворот или плеви меѓу цвеќињата, тогаш нему меѓувремено му паѓа на памет некоја измена во некоја реченица, нешто инаку да го каже, некоја нова реченица да уфрли, да додаде, реченица со којашто ќе продолжи.
„Продавница за љубопитните“ од Мето Јовановски (2003)
Брат му ги средуваше расфрлените хартии на масата, очигледно, мислеше Отец Симеон, изразувајќи некоја измена во себе.
„Месечар“ од Славко Јаневски (1959)
Забележа извесна вознемиреност, полни седишта во новинарската ложа, но не беше прв пат некоја измена на закон да предизвика такви реакции.
„Сонце во тегла“ од Илина Јакимовска (2009)