некаков (зам.) - утеха (имн.)

Во пантолоните, од повременото потстиснување, чувствувам мала возбуда, ми се поднаполнува раката, и тоа ми е некаква утеха.
„Бунар“ од Димитар Башевски (2001)
Има некаква утеха во тоа што, колку и да сте Вие лош и ништожен, постојат други луѓе, кои се подолу и од Вас“.
„Календар за годините што поминале“ од Трајче Кацаров (2012)
И навистина, има некаква утеха во тоа кога ќе видите дека некои луѓе не можат да го променат своето недолично однесување, а вие, не само што го регистрирате, туку им помагате да го прават тоа во континуитет.
„Календар за годините што поминале“ од Трајче Кацаров (2012)
И стравот е единственото што ми влева некаква утеха.
„Балканска книга на умрените“ од Мето Јовановски (1992)
Ако е тоа некаква утеха, да ја завртиме и последната страница на нашата потрага!
„Балканвавилонци“ од Луан Старова (2014)
Но мене не ми се бара повеќе по речниците, книгите, записите, макар што во спротивно би имало работа за до крај на животот!
„Балканвавилонци“ од Луан Старова (2014)
И се прашувам дали е тоа некаква утеха.
„Диво месо“ од Горан Стефановски (1979)
Ги повикував другите синови, барајќи некаква утеха во тоа, да побрзаат за да не биде доцна, да не си поигруваат со осаменоста на родителите, да заборават на помислата дека мајка им ќе биде секогаш тука, дека ќе ги чека, зашто, еве, мене повеќе не ме чека.
„Ервехе“ од Луан Старова (2006)