го (зам.) - одредува (гл.)

„Додека главно ја избегнувам примената на тортурата - мачењето го одредува противникот и го мобилизира отпорот - заканувањето со мачење е корисно кај субјектот за да предизвика чувство на беспомошност и благодарност поради тоа што истражувачот се воздржува од тоа.
„МАРГИНА бр. 11-12“ (1995)
И така, во нивниот слеп полет со лоши инструменти, го одредуваат не само местото каде тие ќе се приземјат, туку каде ќе ги приземјат оние што не им се блиски или што не им се на очи.
„Календар за годините што поминале“ од Трајче Кацаров (2012)
ANEMIC-CINEMA го одредува редоследот на реакции, а истовремено ги забранува традиционалните оградувања, категоризации и контроли.
„МАРГИНА бр. 8-9“ (1994)
Исто така, му остави впечаток и потенцирањето на сознанијата на австрискиот психоаналитичар А. Адлеров, според чија доминантна теза улогата на семејството е толку голема што го одредува однесувањето на индивидуата во текот на целиот живот.
„Балканвавилонци“ од Луан Старова (2014)
Змијовидните јажиња го одредуват правецот на чекање.
„МАРГИНА бр. 6-7“ (1994)
Изборот на синтаксата и речникот е политички чин кој го одредува и ограничува начинот на којшто треба да се доживеат „фактите”.
„МАРГИНА бр. 22“ (1995)
Ти ни го одредуваш патот на зрачните надевања дека е побогат и еден убав потез со раката насочена во вистинско место од сета залудна тревога што дните ни ги исполнува.
„Липа“ од Матеја Матевски (1980)
Ми го одредува и чекорот, што се вели, сите движења.
„Небеска Тимјановна“ од Петре М. Андреевски (1988)
Дење седеше во колибата, ги следеше од внатре птиците што слетуваа на островцето да отпочинат, им го следеше летот низ воздухот, им го одредуваше местото каде навечер слетуваат да преспијат, или каде прават гнезда, и кога ќе се затемнеше, излегуваше како ноќен гуштер од колибата, се влечкаше пополека низ шеварот и трските, го слушаше тивкото прпање на птиците кои тонеа во дремка, и како орел, како аждер, им се нафрлуваше одненадеж, ги фаќаше со раката за шијата, ги стегнуваше не давајќи им да писнат.
„Свето проклето“ од Јован Стрезовски (1978)
А потоа и самиот се запрашав: „Дали навистина не е опасно ако некој си вообрази дека може да го одредува текот на нашите размисли и со помош на оваа своја способност да донесува заклучоци за нашите намери“?
„Летот на Загорка Пеперутката“ од Србо Ивановски (2005)
Фукоовите класични студии за политиката на јазикот и за контрола на свеста го однесоа дотаму што тој веруваше дека човечката свест - изразена низ говор и слики, самоодредувајќи се и взаемно одредувајќи се... - е автентичен терен што го одредува човековото општествено битие...
„МАРГИНА бр. 21“ (1995)
Светот во кој мажите и жените се раѓаат е само нешто површинско, овој или оној општествен, законски или вредносен систем.
„МАРГИНА бр. 21“ (1995)