хидроцентрала (ж.)
Пресметуваше дали ќе може да покрене хидроцентрала со својата попусто истрошена енергија.
„Месечар“
од Славко Јаневски
(1959)
Патиштата што водат од Смољан, Пазарџик и Благоевград кон височините на Родопите денес ќе ве одведат на еден од најголемите хидроенергетски објекти во Бугарија: каскадата „Вуча“ која, всушност, претставува цел комплекс од мали и големи акмулации и хидроцентрали.
„Патувања“
од Никола Кирков
(1982)
Да пробијат тунел под планината за да ја користат водата од езерово за хидроцентрала...
„Злодобро“
од Јован Стрезовски
(1990)
Стратезите на комунистичкото општество имаа точни бројки за козарите, сега новопечени припадници на работничката класа, со кои требаше да се градат големите фабрики, патишта, мостови, брани, хидроцентрали.
„Времето на козите“
од Луан Старова
(1993)
Нам ни е потребна силна индустрија. Немаме брани, хидроцентрали.
„Времето на козите“
од Луан Старова
(1993)
Во годината на најголемиот земјотрес на Балканот, во главниот град на Републиката, започна градбата на првата хидроцентрала близу истекот на реката од Езерото.
„Патот на јагулите“
од Луан Старова
(2000)
Уште во времето на Јагулче Дримски и Сретен Јаворов, кога се предвидуваше градбата на хидроцентралите на реката, се постави прашањето на изградбата на паралелните речни јагулски патеки.
„Патот на јагулите“
од Луан Старова
(2000)
Подоцна ќе изградиме и систем од хидроцентрали, првин една, а набргу друга, трета. Изворите се вечни.
„Патот на јагулите“
од Луан Старова
(2000)
Биле направени сите можни анализи кои делови од хидроцентралата со кои методи можат да бидат уништени.
„Британските воени мисии во Македонија (1942-1945)“
од Тодор Чепреганов
(2001)
И кога, во чаршијата, од доверливи пријатели, дозна дека на реката што истекуваше од Езерото ќе се градат хидроцентрали, предвидувањата за крајот на патот на јагулите стануваше реалност, во него повторно се разбуди преселничкиот ген.
„Ервехе“
од Луан Старова
(2006)
Птиците ја прелетуваа границата, но само на езерските јагули, кои патуваа преку балканските реки и Медитеранот до Саргаското Море на Атланскиот Океан и назад низ новата генерација, не можеа на последното враќање да ја минат границата која луѓето по милиони години им ја испречија на патот со градба на неколку хидроцентрали во Албанија и Македонија.
„Амбасади“
од Луан Старова
(2009)
Оваа генерација јагули ќе доживее вистински масакр во турбините на новите хидроцентрали при враќањето од среќниот трансокеански егзил.
„Амбасади“
од Луан Старова
(2009)
- Пред вас е една од најголемите хидроцентрали во Европа.
„Последната алка“
од Стојан Арсиќ
(2013)
