строи (несв.)
Нѐ извадоа да нѐ стројат.
„Небеска Тимјановна“
од Петре М. Андреевски
(1988)
И ќе ја кренам главата вака и ќе ги гледам кај што се стројат во низи на небото, пиштејќи.
„Небеска Тимјановна“
од Петре М. Андреевски
(1988)
Се строиме пред вратата, а редицата не личи на ништо: Васе свирка и потскокнува на една нога, Танас со парче огледало им ги засенува очите на девојчињата, Стојче со стапче им ги вади капите на оние што се пред него, Калчо седи на прагот пред влезот, рошка низ торбето, па се чуди како божем нешто да заборавил.
„Прва љубов“
од Јован Стрезовски
(1992)
Со своите раце сум те строел а те уби одред палав.
„Пупи Паф во Шумшул град“
од Славко Јаневски
(1996)
Кренат гори в лесни танци - занишан рог - реска страст; милозлив во меки ланци вилнее со пребрз раст злат заводлив јасни краци до невратна злокоб- сласт распенет во горки зраци нечитливи строи знаци сводот слеп од таа власт. okno.mk | Margina #32-33 [1996] 140
„МАРГИНА бр. 32-33“
(1996)
Јас своето го строив.
„Игбал, мојата тајна“
од Јагода Михајловска Георгиева
(2000)
Звуците од клепалата ги строеа граѓаните.
„Захариј и други раскази“
од Михаил Ренџов
(2004)
Секое сабајле станувавме во шест часот, се строевме по височина, го кревавме знамето и ги слушавме најновите вести.
„Ласа“
од Наташа Димитриевска Кривошеев
(2011)
Баш се чудни и неразбирливи брановите: ем знаат дека неизоставно ќе плеснат во брегот и ќе се распрснат што и Господ не може да ги спои во две капки, ем севезден одново се стројат во недобројни колони и итаат, итаат токму кон брегот – како да се на светско првенство во упорност и тврдоглавост.
„Ситночекорка“
од Ристо Лазаров
(2012)
Непознат е зборот, како и мажот кој викна. - Строј се! - пак истиот глас, сега посилен и позаповеднички.
„Големата удолница“
од Петре Наковски
(2014)
- Строј се! - заори заповеднички глас. Се размрдаа, гледаат наоколу.
„Големата удолница“
од Петре Наковски
(2014)
- Строј се! - се разлеа неговиот глас. - Така. Една покрај друга... - Долг и крив е стројот.
„Големата удолница“
од Петре Наковски
(2014)
