специјализација (ж.)
Тогаш собрав поголема група млади талентирани и амбициозни луѓе, ги пратив на специјализација во најпознатите скопилишта по светот и кога се вратија целиот народ го подвргнав на скопување.
„Балканска книга на умрените“
од Мето Јовановски
(1992)
- Брат ти? - Брат ми и неговата кокона. Им завршила специјализацијата во странство.
„Синовски татковци“
од Димитар Солев
(2006)
- Денес без специјализација со оваа диплома ќе си останеш лекар по општа практика, што ќе рече селски доктор, да не речам еким.
„Синовски татковци“
од Димитар Солев
(2006)
- Како? - Па вака: ти да си најдеш некоја со наместен стан, со перспективна работа, со национализиран мираз или имот, со специјализација во странство.
„Синовски татковци“
од Димитар Солев
(2006)
Втората, Линда Еванс (Кристл) својот лик во Династија го искористи за понатамошна специјализација во правец на слични улоги.
„Филтер Југославија“
од Константин Петровски
(2008)
Но со сигурност негов наследник ќе биде еден од оние десетина генерали кои на времето уште како матуранти, по силниот селективен избор на најдобрите, биле испратени на студии и специјализации во најелитните универзитети во САД и во други европски центри, да се наоружаат со знаење во повеќе дисциплини, во воените, безбедносните, разузнавачките.
„Амбасади“
од Луан Старова
(2009)
Исто така беше укинато правото на остварување на работен однос без дозвола на странци кои се на специјализација, стручно усовршување и странци ученици и студенти кои со меѓународна размена престојуваат во РМ.
„Обезвреднување на трудот“
од Савески, Апасиев, Ковачевски, Василев
(2010)
Сѐ што правеше во животот сакаше да биде перфектно, па и кога се подготвуваше за специјализација консултираше многу книги, читаше на Интернет за разни болести.
„Седум години“
од Зорица Ѓеорѓиевска
(2012)
Тие неколку години на специјализација се лиши од многу мали и поголеми задоволства што ги дава животот, од попладневни одмори, викенди, летувања…
„Седум години“
од Зорица Ѓеорѓиевска
(2012)
