поверува (св.)
– „Сполај ти, Господи сполај ти, што не било да биде, човек штрк да биде“, сите беа рекле и поверувале, та затоа до ден денеска се прикажува за штрковите оти се луѓе.“
„Силјан штркот“
од Марко Цепенков
(1900)
– „Ете јас бев, мајко, што ги зедов, ѝ рекол, ја качи се, бре Смиле, на куќа кај што стоев јас, побарај во сламата, ќе ги најдеш, земи ги вамо да ги видат за да поверуваат“.
„Силјан штркот“
од Марко Цепенков
(1900)
– „Вистина, татко, и вие браќа селани, им рекол Силјан, ама за приказна е мојава работа што бев дури во долна земја или штркова земја кај што човек досега не пошол и не ќе појде, и да ми верувате оти не е чаре да ве лажам јас, чунки не ќе ви земам нешто да си кладам в ќесе, за да не поверувате за здраво.
„Силјан штркот“
од Марко Цепенков
(1900)
66. Бератите за владици се дадоа и ние заслепените Македонци ѝ поверувавме на Бугарија оти таа со нејзината „самостојна“ политика ништо друго не прави, туку одржува политички победи и нѐ облагодетелствува нас Македонците. – Арно ни ги замачкаа очите. – Но не поминаа ни 5-6 години кога се отрезнаа Бугарите од своето занесување во „самостојната“ политика.
„За македонцките работи“
од Крсте Петков Мисирков
(1903)
А твоите другари, без да си сторил било какво зло, фрлија кал на твоето име и народот им поверува…
„Духот на слободата“
од Војдан Чернодрински
(1909)
Поверував - полицаецот е наполнет со сено: стоеше вкочанет и ја слушаше расправијата.
„Улица“
од Славко Јаневски
(1951)
Стариот војвода поверувал во тоа и се вратил дома во селото од каде што бил.
„Луман арамијата“
од Мето Јовановски
(1954)
Му реков, доколку не ми поверува, ќе го треснам по муцка.
„Кловнови и луѓе“
од Славко Јаневски
(1956)
Ми рече дека ќе оди да го побара отец Симеон. И поверував.
„Две Марии“
од Славко Јаневски
(1956)
Се колнат тие, а клетвата е поголема не само од мисирка туку и од овца. Што да прави Пецоица? Сака-нејќе ќе поверува.
„Кловнови и луѓе“
од Славко Јаневски
(1956)
Ја да ја слушнеме сите ние овдека па да ти поверуваме – го праша кадијата раскажувачот.
„Калеш Анѓа“
од Стале Попов
(1958)
Никој не можеше да поверува.
„Бојана и прстенот“
од Иван Точко
(1959)
И колку беше таа понежна и помила, и на сѐ одвратуваше само со солзи и со молба да се опаметам и поверувам во нејзината невиност - толку посигурен бев дека се преправа...
„Бојана и прстенот“
од Иван Точко
(1959)
А кога си отиде сопственикот, тој им се приближи на мајсторите: - Немаше да поверувам, ако со свои уши не го чув сето ова.
„Бојана и прстенот“
од Иван Точко
(1959)
Отец Симеон, гледајќи ја неверојатната сличност на нивните ’рскавични носови, поверува: кога би биле тројца, едниот би се свршил, другиот би бил вљубен во свршеницата, третиот би спиел со неа.
„Месечар“
од Славко Јаневски
(1959)
Виде гола празнина без прегради со едно дно и безвредни хартии на тоа дно и не поверува.
„Месечар“
од Славко Јаневски
(1959)
НЕДА: Таа за ништо не се распрашува и... и јас не би можела да поверувам дека би го сторила тоа против мене...
„Црнила“
од Коле Чашуле
(1960)
ФЕЗЛИЕВ: Добро. Врати ми ги куршумите и ќе ти поверувам.
„Црнила“
од Коле Чашуле
(1960)
ЛУКОВ: (Исчекувајќи ја да сврши.) Од Вас, госпоѓо Христова, не се бара да поверувате, туку... да слушате и да се потчинувате. (Пауза.) Впрочем...
„Црнила“
од Коле Чашуле
(1960)
Кога ги отвори очите, долго време не можеше да поверува.
„Пустина“
од Ѓорѓи Абаџиев
(1961)
