новост (ж.)
97. Бугарите „скрепја серце” можеа да чујат таква новост што не можеше да им биде пријатна.
„За македонцките работи“
од Крсте Петков Мисирков
(1903)
Апсењето на стариот крпач Адам го заборавија, бракот на писарот и бабицата тромаво и еднолично течеше - без разделба и без деца, агентот не претставуваше веќе никаква новост; се заситија луѓето од него како деца од дрвена играчка, скршена и деформирана, на која ѝ се излижала бојата.
„Улица“
од Славко Јаневски
(1951)
Улицата ја набљудував само со едно око и настаните ги таложев на крајот на својата свест та и да не сакав новостите лесно допираа до мене.
„Улица“
од Славко Јаневски
(1951)
Секој ден Дуче одеше поручек во општината и оттаму добиваше наредба каква новост ќе им соопшти на прилепчани, а особено во сабота.
„Крпен живот“
од Стале Попов
(1953)
Секој шум во таа летна жега, секој глас, секој извик, се раѓаше со точно утврдена цел: веднаш за да умре, да се распливне, да се изгуби невратно, да не претставува ништо - ни настан, ни новост.
„Кловнови и луѓе“
од Славко Јаневски
(1956)
„Да ги сложуваш тие луѓе и да ги редиш на рафт како актофки, не е ни вештина ни новост.
„Месечар“
од Славко Јаневски
(1959)
Бојана забележа по Митревото лице дека има некаква радосна и ненадејна новост.
„Бојана и прстенот“
од Иван Точко
(1959)
Тоа беше навистина голема новост.
„Билјана“
од Глигор Поповски
(1972)
Како најпријатна новост и како најголема пролетна радост ни беше доаѓањето на птиците.
„Добри мои, добар ден“
од Глигор Поповски
(1983)
Имаше доволно информации од западните радиостаници, но сега новостите можеше да ги провери од доживеаната страна.
„Времето на козите“
од Луан Старова
(1993)
Тоа всушност и не беше никаква новост.
„Времето на козите“
од Луан Старова
(1993)
Од телефонската слушалка се излеваше гласот на мојата мајка мешајќи ги дневните цени на зеленчук на загребскиот пазар со бројот на жртвите, ситните новости за соседите и бегалците што ги примила да живеат со неа, со веста за смртта на мојот стар пријател.
„МАРГИНА бр. 6-7“
(1994)
Признавам, самиот дознав многу новини бидејќи им се зачудив на патиштата по кои во престолнината можат да се дознаат административните новости.
„МАРГИНА бр. 29-31“
(1996)
Ова веќе си го видел во филмските новости, кога старата кралица Мери го поздравува народот.
„МАРГИНА бр. 26-28“
(1996)
Целата новост што ја донесе сегашниот режим е еден спој на револуционерно и реакционерно чиешто насилно спроведување го врати средновековниот „теократски” човек на сцената на нашето нејако општество.
„МАРГИНА бр. 36“
(1997)
Ќе беше новост некој да почне да тврди дека водите стојат.
„Жената на белогардеецот“
од Србо Ивановски
(2001)
-А потоа, не мора на таквите приказни да им придава толкаво значење – реков кога ми ја донесе новоста за генералската ќерка.
„Синот“
од Србо Ивановски
(2006)
Додека Влаинката се растрча по комшии да бара млеко и бибер за чудниот гостин, Марин Крусиќ, според трговскиот манир, направи да не изгледа неблагодарен, па веднаш почна да раскажува за медитеранските новости, една од кои беше и грипот што сега владеел по пристаништата кои се во моментов под карантин.
„Вежби за Ибн Пајко“
од Оливера Николова
(2007)
Така минатата сабота, на 20 јануари јас зборував со две пријателки на кои им ги дадов вашите книги да ги читаат и кои постојано се интересираат дали имам од вас новости.
„Потрага по Елен Лејбовиц“
од Луан Старова
(2008)
Марко од своја страна си го задржа и по оваа новост односот што го имаше спрема него откако се знаат.
„Послание“
од Блаже Конески
(2008)
