а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

изгуби

Види и: губи (несв.)
изгубат; изгубил; изгубен; (ќе) изгубев, (ќе) изгубел; изгубеше
Вид збор: Глагол, свршен
Ранг: 781
1. Остане без нешто материјално.
Англиски: lose Албански: humbas
Примери:
Ги изгубив клучевите.
Го изгубив чадорот.
Слично со: загуби (св.)
2. Исчезне, излезе надвор од досегот на сетилните органи.
Англиски: disappear Албански: humb, zhduket
Примери:
Гледаше по момчето додека не го изгуби од вид.
Слично со: исчезне (св.)
3. Остане без некое својство, без можност да се служи со нешто.
Англиски: lose Албански: humbas
Примери:
Го изгубил слухот.
Го изгуби здравјето.
Цвеќево го изгубило мирисот.
4. Остане без некого (без син, брат, родител итн.) поради смрт.
Англиски: lose Албански: humbas
Примери:
Изгубивме добар другар.
Таа го изгуби брачниот другар многу рано.
5. Претрпе загуба во работа, забава, војна и сл.
Англиски: lose Албански: humbas
Примери:
Изгуби на карти.
Ја изгуби битката со конкуренцијата.
6. Потроши време бесполезно.
Англиски: waste Албански: humbas
Примери:
Изгуби многу време барајќи ја потребната литература.
7. (се изгуби) Исчезне без трага, го снема.
Англиски: vanish Албански: humb, zhduket
Примери:
Сонцето се изгуби зад хоризонтот.
Човекот се изгуби во толпата.
8. (се изгуби) се онесвести
Англиски: faint Албански: humb, ra të fikët
Употреба: Медицина
Примери:
Девојката сосема се изгуби.
9. (се изгуби) Се занесе, стане неразумен, изгубен, дезориентиран.
Англиски: confuse Албански: humbet
Употреба: Преносно значење
Примери:
Во новата ситуација, тој сосема се изгуби.
Изрази
Изгуби апетит - не чувствува глад, потреба од храна.
Изгуби глава - загине.
Изгуби глава - се занесе, стане неразумен, изгубен.
Изгуби живот - загине.
Изгуби памет - полуде.