а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

здив

мн. здивови
Вид збор: Именка, машки род
Ранг: 794
1. Воздух што се испушта при дишењето.
Англиски: breath Албански: frymë, afsh
Употреба: Медицина
Примери:
лош здив
топол здив
свеж здив
2. вдишување и издишување
Англиски: breathing Албански: frymëmarrje
Примери:
Од страв му се зеде здивот.
Старицата одвај успеваше да земе здив.
Остра болка му го пресече здивот.
Слично со: дишење (ср.)
3. Тоа што испарува, се ослободува од нешто.
Англиски: scent Албански: erë
Употреба: Преносно значење
Примери:
Се чувствуваше здивот на пролетта.
Низ улицата удираше слаткиот здив од расцветаните липи.
Слично со: мирис (м.)
4. Тоа што се насетува; што се претчувствува.
Англиски: premonition Албански: frymë
Употреба: Преносно значење
Примери:
Со последните настани почна да се чувствува здивот на промените.
Слично со: претчувство (ср.)
Изрази
На/во еден здив - одеднаш.
До последен здив - до крај; до смрт; до последните сили.
Земи здив - одмори се.
Без здив - без одмор.
Ме (те, го ...) остави без здив - многу изненади, вчудовиди некого.