а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

заведе

заведат; заведи, заведете; заведов, заведоа; завел; заведев, заведеа; заведел; заведен
Вид збор: Глагол, свршен
Ранг: 5638
1. Насочи некого на погрешен пат, направи да заскита, да не стигне на целта.
Англиски: mislead Албански: mashtroj
Примери:
Овчарот ја заведе потерата на полицијата во погрешен правец.
Кучињата со својот лаеж нè заведоа натаму.
Чадот од огновите над буките ја заведе полицијата.
Слично со: насочи (св.) , заскита (св.)
2. Направи некој да тргне по лош пат, кон нешто лошо.
Англиски: mislead Албански: mashtroj
Примери:
Со лажни ветувања тие ја заведоа младината.
Слично со: насочи (св.)
3. Измами некого.
Англиски: cheat Албански: gënjej
Примери:
Него не можеа да го заведат.
Слично со: измами (св.)
4. Освои лице од спротивен пол.
Англиски: seduce Албански: kandis
Примери:
Се обидуваше да ја заведе девојката.
Слично со: кандиса (св.) , освои (св.)
5. Воведе, воспостави некаква состојба.
Англиски: establish Албански: themeloj
Примери:
Војската заведе вонредна состојба во земјата.
Немаше кој да заведе ред.
Во месната заедница заведоа дежурство.
Слично со: воведе (св.)
6. Запише, внесе во книга.
Англиски: register Албански: shënoj
Примери:
Не бил заведен во црковната книга на родените.
Наставникот ги заведе оценките од писмената работа во дневникот.
Фирмата ја заведоа во трговскиот регистар.
Слично со: регистрира (св. и несв.) , запише (св.)
7. Одведе некого некаде.
Англиски: lead Албански: shpie
Употреба: Дијалектен збор
Примери:
Го завеле длабоко во шумата и таму го убиле.
Го фати за рака и го заведе дома.
Слично со: одведе (св.)
8. (се заведе) Се поведе по некого или по нешто, се залаже.
Англиски: mislead Албански: mashtroj
Примери:
Тој се заведе по една група криминалци.
Ние се заведовме по лаежот на кучињата.
Изведенки
1. заведува несв.
(се) заведуваат
2. заведување ср.
глаг. им.