а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

дел

мн. делови
Вид збор: Именка, машки род
Ранг: 112
1. Тоа што е помало од целината, што претставува нејзин составен елемент.
Англиски: part Албански: pjesë
Примери:
дел од географска карта
Еден дел од селаните се вратија назад.
Слично со: парче (ср.) , член (м.)
2. Тоа што е издвоено во однос на некоја целина.
Англиски: part Албански: pjesë
Примери:
асфалтиран дел од патот
нов дел на градот
Се упати кон задниот дел од дворот.
На горниот дел од челото имаше рана.
3. Предмет со посебна функција во рамките на некоја направа.
Англиски: part Албански: pjesë
Употреба: Технологија
Примери:
Од деловите на еден стар струјомер се обидуваше да направи електрично ѕвонче.
резервни делови
4. Тоа што припаѓа некому при делба на нешто.
Англиски: share Албански: ndaj
Примери:
Твојот дел од дуќанот ќе ми го препишеш мене.
Му падна криво оти не му дадоа еднаков дел од парите.
Имотот го разделив на четири дела.
5. Удел, учество во нешто.
Англиски: share Албански: pjesëmarrje
Примери:
Тој има голем дел во нивната победа.
Мојот дел во таа работа е сосема мал.
Слично со: удел (м.)
Изрази
Дел по дел - малку по малку, полека.
(книж.) Лавовски дел - неспоредливо поголем дел, најголем дел.
Изведенки
делче ср.
мн. делчиња
дем.
Пример: Едно делче од Вас живее во секој од нас.