а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

тече

течат; течи, течете; течеше, течеа; течел; течен; течејќи; течење; тече, текоа; текол, текле
Вид збор: Глагол, несвршен
Ранг: 1002
1. За река, вода, течност - струи во определен правец.
Англиски: flow Албански: rrjedh
Примери:
Тивко течат реките.
По образите му течеа солзи.
Во неговите жили крв јуначка тече.
2. Испушта течност да тече; излегува течност од нешто.
Англиски: run Албански: rrjedh
Примери:
Чешмата не тече веќе, ја поправиле.
Од шапките на афионот течеше бел сок.
Носот му тече, настинат е.
Му тече пот од челото.
3. Пропушта вода, течност - поради некој недостаток, повреда и сл.
Англиски: leak Албански: rrjedhë
Примери:
Бурето тече.
Чевлите ми течат, не можам да одам по оваа кал.
4. Поминува - обично за време.
Англиски: pass Албански: rrjedh, kalon
Употреба: Преносно значење
Примери:
Младоста, животот тече.
Годините си течат.
5. За говор, мисла - се ниже, се одвива едноподруго, без запинање.
Англиски: flow Албански: rrjedh
Употреба: Преносно значење
Примери:
Мислите му течеа глатко.
Зборовите му течеа.
6. За интерес - расте.
Англиски: run Албански: rrjedh, shkon, ecë
Употреба: Економија , Преносно значење
Примери:
Интересот ви тече од почетокот на годината.
Трошоците течат.
7. печали
Англиски: earn Албански: fitoj
Примери:
(посл.) Кој се мачи, тој течи.
Изрази
(посл.) Кај текла вода (река), пак ќе тече.
(разг.) Лиги му течат - се настрвил.
Ако не тече, капе - работата оди полека, но пак сме задоволни.
FlexiMac
 менување на македонски глаголи
ДИГИТАЛНИ РЕСУРСИ НА МАКЕДОНСКИОТ ЈАЗИК