а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

стои

стојат; стој, стојте; стоев, стоеја; стоел; стоен; стоејќи; стоење; стојав, стојаа; стојал; стојан
Вид збор: Глагол, несвршен
Ранг: 193
1. Се наоѓа на нозе, исправен, не мрда од местото.
Англиски: stand Албански: qëndroj
Примери:
Стои под дрвото.
Ја гледав претставата стоејќи.
2. Останува на истото место, не се движи.
Англиски: rest Албански: qëndron
Примери:
Си стои на местото.
3. За транспортни средства - се задржува.
Англиски: halt Албански: ndalim
Примери:
Возот стои по пет минути на секоја станица.
4. Се наоѓа на определено место.
Англиски: locate Албански: vendndodhje
Примери:
Книгите стоеја во чантата.
Стои на масата.
5. Се наоѓа во извесни односи, врски со некого.
Албански: vendosje
Примери:
Веќе не стои добро со лекарот.
6. Останува без работа, не дејствува; се наоѓа во застој.
Албански: në vend
Употреба: Преносно значење
Примери:
Не стојте, работете.
Работата ми стои.
7. (само во 3 л.) Се поставува, суштествува; се наоѓа во некаква состојба.
Албански: qëndron
Употреба: Преносно значење
Примери:
Кои прашања стојат сега пред нас?
Како стои работата со него?
8. (само во 3 л.) За облека: прилега.
Англиски: fit Албански: pajis
Примери:
Добро ѝ стои фустанот.
9. Само во императив - извик, команда со значење: престани или престанете да работиш, да се движиш или да работите, да се движите.
Англиски: stop Албански: ndalu / ndaluni
Примери:
Стој(те)!
Изрази
Му стои на патот - му смета.
Стои в сенка - работи вон јавноста.
Стои зад некого - поддржува.
Стои здраво на нозете.
Стои како на трње (игли).
Стои на зборот - држи ветување.
Стои на своето - останува на своето.
Стои на стража.
Стои настрана - не се меша.
Стои на чело - води.
Стои со скрстени раце - чека.
FlexiMac
 менување на македонски глаголи
ДИГИТАЛНИ РЕСУРСИ НА МАКЕДОНСКИОТ ЈАЗИК