а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

преку

Вид збор: Предлог
1. Пространствено значење: положба од другата страна.
Англиски: across
Примери:
Ќе ги косиме ливадите преку река.
Најдобрите пасишта се преку Вардар.
2. Движење, преминување од една на друга страна од нешто.
Англиски: via
Примери:
Покусиот пат до Струмица води преку Огражден.
Ќе се префрли во Албанија преку езерото.
3. Движењето од внатрешниот дел на нешто кон надвор.
Англиски: through
Примери:
Касата ја изнел преку помошниот влез.
Морале да скокнат преку прозорец за да се спасат.
4. Простирање по некоја површина.
Англиски: over
Примери:
Се покрив со јорганот преку глава и така сум заспал.
Добро е да си носиш појас преку половината.
5. Време во текот на кое се врши дејството.
Англиски: during
Примери:
Ноќе слегуваше во селото, а преку ден се криеше во шумата.
Билјарките преку цело лето не се прибраа дома.
6. Посредство, средство со чија помош се врши дејството.
Англиски: through
Примери:
Ти испратив порака преку еден доверлив човек.
Обраќањето ќе биде пренесувано преку телевизија.
7. начинско значење
Англиски: over, beyond
Примери:
Се лути поради влегување преку ред.
8. Повеќе во однос на нешто, над некоја граница.
Англиски: over
Примери:
За поправка морам да платам преку илјада денари.
Најверојатно летот ќе трае преку три часа.
9. Пренебрегнување, необѕирање, заобиколување и сл.
Англиски: over
Примери:
Таа премина преку навредата и не рече ни збор.
Изрази
Преку глава (ми е дојдено) - не можам веќе да издржам, веќе ми е смачено.
Преку леб погача - алчност, неодмерност во нешто.
Преку девет дола вода - многу далеку, тешко достижно.
FlexiMac
 менување на македонски глаголи