а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

праг

мн. прагови
Вид збор: Именка, машки род
1. Дебела греда (од дрво, камен или метал) што лежи пред долниот дел од вратата.
Англиски: threshold Албански: prag
Употреба: Архитектура и градба
Примери:
куќен праг
камен праг
Застана на прагот.
Седна на прагот.
2. Дрвена греда што служи како подлога и ги држи железничките или трамвајските шини.
Англиски: tie Албански: traversë
Употреба: Транспорт
Примери:
железнички прагови
Зачекори меѓу праговите на пругата.
Возот иташе по шините, врзани со прагови.
3. Карпеста преграда во речно корито преку кое паѓа водата во вид на слапови.
Албански: tërthorëze
Употреба: Географија
Примери:
Реката прелеа преку своите каменасти прагови.
4. куќа, дом
Англиски: home Албански: prag, shtëpi
Употреба: Преносно значење
Примери:
Се заколна дека нема да престапи татков праг.
Оди од праг до праг и прашува за мене.
5. родна земја
Англиски: fatherland Албански: atëdhe
Примери:
Не напуштајте го родниот праг!
6. Место низ кое се влегува.
Англиски: entrance Албански: prag, hyrje
Примери:
Застана пред прагот на хотелот.
Стигна пред прагот на дворецот.
Стоеја на прагот на пештерата.
7. Почеток на нешто, на некакво дејство или состојба.
Англиски: beginning Албански: fillim
Употреба: Преносно значење
Примери:
На прагот од животот.
На прагот од смртта.
На прагот од староста.
Летото е на прагот.
Изрази
Горни и долни праг - горната и долната хоризонтална страна на вратата.
Прагот нејќам да му го престапам (пречекорам) - не сакам дома да му влезам.
Куќниот праг е највисока планина - човек тешко одлучува да влезе во туѓа куќа.
Додека не го чукне (човек) горниот праг, не може да го види долниот - на човек му доаѓа паметот откако ќе удри со главата в ѕид.
FlexiMac
 менување на македонски глаголи