а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

помине

поминат
Вид збор: Глагол, свршен
1. Мине низ нешто, покрај нешто или покрај некого.
Англиски: pass Албански: kaloj
Примери:
Помина по мостот.
Трамвајот полека го помина плоштадот и продолжи накај пазарот.
Помина покрај мене еден чуден човек.
2. Некој мине определено време некаде, некако.
Англиски: spend Албански: kaloj
Примери:
Ја помина ноќта во куќата на баба ѝ.
Тие го поминаа одморот на планина.
Тој ги помина со неа последните години од својот живот.
3. Доживее, преживее определен временски период.
Англиски: pass Албански: kaloj
Примери:
Нејзината младост бргу помина.
Тој помина извесно време на работа во Германија.
4. Измине некој временски период, рок, годишно време и сл.
Англиски: pass Албански: kaloj, shkoj
Примери:
Зимата бргу помина.
Оттогаш поминаа три месеци.
5. (обично несв.) врви, минува
Англиски: pass Албански: kalon, shkon
Примери:
Патот поминува низ шума.
Оттука поминуваат сите главни сообраќајни јазли.
6. Заврши, дојде до крај.
Англиски: complete Албански: mbaroj, merr fund
Примери:
Свадбата помина весело.
Изборите поминаа во мирна, демократска атмосфера.
Операцијата поминала без компликации.
7. Направи неопределено движење со раката преку нешто.
Англиски: pass Албански: kaloj, bëj
Примери:
Агентот помина со рака преку влажното чело.
Сликарот со брзи потези на четката помина уште неколку пати по платното.
8. За болка, маки - се сврши, престане.
Англиски: stop Албански: kaloj, ndalë
Примери:
Мене ми помина болката, не ме боли веќе.
Му помина главоболката.
9. сврши
Англиски: finish Албански: mbaroj, përfundoj
Употреба: Безлично
Примери:
Не ме боли веќе, ми помина.
И тоа ќе помине!
10. Мине од едно нешто на друго.
Англиски: change Албански: kaloj, ndrroj
Употреба: Преносно значење
Примери:
Свадбарите од ракија поминале на вино.
Дискутантот од едно прашање помина на друго без да ги поврзува работите.
11. Мине, измине дел од определена содржина.
Англиски: pass Албански: kaloj, shkoj
Примери:
Помина половина филм, а уште ништо значајно не се случило.
12. Изучи, совлада некаква материја, наставна програма и сл.
Англиски: pass Албански: kaloj, përsëris
Примери:
Пред испитот го помина материјалот уште еднаш.
13. Се јави и брзо исчезне (телесна дразба, осет, чувство, мисла).
Англиски: pass Албански: kaloj, vërshoj
Употреба: Преносно значење
Примери:
Една мисла му помина низ главата.
Некаква милина му помина од нозете нагоре.
Преку лицето ѝ помина блага насмевка.
Брзо му помина лутината.
Морници ми поминаа низ телото.
14. Е одобрен, примен, прифатен.
Англиски: pass Албански: kaloj
Употреба: Преносно значење
Примери:
Неговиот предлог не помина.
Тоа прашање нема да помине денес на состанокот.
Таа работа не помина кај директорот.
15. Се подложи на учење, школување, напредување во работата.
Англиски: pass Албански: kaloj, mbaroj
Примери:
Ги помина сите фази на школувањето во родниот град.
16. Успешен е во некоја работа.
Англиски: pass Албански: kaloj, jap
Примери:
На испитот поминаа само двајца.
17. Покаже успех, заврши нешто со успех.
Англиски: pass Албански: kaloj
Примери:
На фестивалот помина нашиот кандидат.
18. Се пробие, мине низ нешто.
Англиски: pass Албански: kaloj, depërtoj
Примери:
Еден шрапнел ѝ поминал преку градите и ѝ го зел гласот.
Ножот поминал покрај срцето.
Куршумот поминал низ левата потколеница.
19. За глас, вест - се рашири на повеќемина или повеќе места.
Англиски: spread Албански: kaloj, përhap
Употреба: Преносно значење
Примери:
Веста помина од уста на уста низ целата чаршија.
Изрази
Многу поминало - многу се претрпело, ќе се издржи и ова.
Како на куче му помина - оздраве многу лесно, многу брзо.
Сум поминал јас по тој пат - ги знам тие работи.
(ирон.) Поминал низ лозје - пијан човек.
Не може ни пиле да помине - многу голема заштита, осигурување.
Колку да помине редот - површна работа.
Купи ден, помини - живее од денес до утре.
Жеден преку вода ќе те помине - итро ќе го избегне одговорот (или нешто направи за некого).
Евтино помина (кај некого, или со нешто) - помине со лесно, без проблеми.
Многу му помина преку глава - преживеа тешки моменти во животот.
Помина сито и решето - доживее и преживее сè и сешто.
Помина како преку турски гробишта - мине крај некого не обрнувајќи внимание, без да прозбори нешто.
Изведенки
1. поминува несв.
поминуваат
2. поминување ср.
FlexiMac
 менување на македонски глаголи