а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

подели

поделат
Вид збор: Глагол, свршен
1. Раздели целина на делови.
Англиски: divide Албански: ndaj
Примери:
Домаќинката го подели тестото на десет еднакви дела.
Учениците го поделија теренот на два дела.
2. Врши операција на делење.
Англиски: divide Албански: pjestoj
Употреба: Математика
Примери:
Бројот десет да се подели со два и потоа да се помножи со три.
3. Изврши распределба помеѓу повеќе лица.
Англиски: distribute Албански: shpërndaj
Примери:
Жената им ги подели јаболката на децата.
Наставничката им ги подели писмените работи на учениците.
4. Изврши распределба меѓу себе.
Англиски: distribute Албански: shpërndaj
Примери:
Луѓето го искорнаа компирот и си го поделија меѓу себе.
5. Во спортот, естрада - даде, врачи.
Англиски: hand out Албански: ndaj
Примери:
Водителката ги подели наградите за најдобра песна.
6. Сподели нешто со некого.
Англиски: share Албански: ndaj
Употреба: Преносно значење
Примери:
Таа ги подели своите сомнежи со своите најблиски соработници.
Тој ја подели својата болка со мајка си.
7. Сподели нешто меѓу себе.
Англиски: share Албански: këmbej, shpërndaj
Употреба: Преносно значење
Примери:
Тие си поделија многу тајни меѓу себе.
8. (се подели) Изврши поделба на нешто, со некого или помеѓу повеќе единки.
Англиски: separate Албански: ndaj
Примери:
По смртта на родителите, браќата се поделија.
9. (се подели) се раздели, се распредели
Англиски: separate Албански: ndaj
Примери:
Учениците се поделија во две екипи.
Нашата екипа се подели на неколку помали групи, секоја со своја задача.
Изведенки
1. поделува несв.
(се) поделуваат
2. поделување ср.
глаг. им.
FlexiMac
 менување на македонски глаголи