а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

оро

мн. ора
Вид збор: Именка, среден род
1. Народен танц во кој играчите најчесто фатени за раце се движат во круг.
Англиски: dance Албански: valle
Употреба: Музика и танц
Примери:
Свадбарско оро
Кумово оро
2. Музика за народен танц.
Англиски: dance music Албански: muzikë për vallëzim
Употреба: Музика и танц
Примери:
Го засвиреа пајдушкото оро.
Засвири оро да поиграме.
3. Луѓето што играат фатени за рака, за рамо и сл.
Албански: valle
Употреба: Музика и танц
Примери:
Сите се фатија на орото што го водеше невестата.
Изрази
И ситно оро ќе игра - ќе биде принуден да направи се што треба и ако не сака.
Оро таратинско ќе игра - ќе биде принуден да направи се што треба и ако не сака.
Ќе игра оро на тепсија (на шикла) - ќе биде принуден да направи се што треба и ако не сака.
Гладна мечка оро не игра - гладен човек не може да работи.
Си се фатил на оро, ќе играш - кога си започнал некоја работа, треба да ја довршиш.
(посл.) Дала баба динар да се фати на оро, дала два да се пушти, ама не ја пуштиле - кога си започнал некоја работа, треба да ја довршиш.
Се фатил сиромавиот на оро, се скинал тапанот - кога сиромав ќе почне некоја добра работа, излегуваат многу проблеми и работата се расипува.
Самовилско оро - виорен ветер што завива се во круг и крева се на што ќе наиде.
Самовилско оро - прекрасно оро, оро на самовилите.
FlexiMac
 менување на македонски глаголи