а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

од

Вид збор: Предлог
1. (пространствено значење) Оддалечување од некаде, излегување.
Англиски: from
Примери:
Полицијата го чекаше да излезе од куќата и да се предаде.
Утре ќе ги исфрлам сите стари работи од визбата.
2. (пространствено значење) Одделување од нешто.
Англиски: from
Примери:
Скинал два листа од книгата и ги сокрил.
3. (пространствено значење) растојание
Англиски: from
Примери:
Колку што си подалеку од родниот крај, толку ти е поголема носталгијата.
4. (пространствено значење) Положба во однос на друг предмет.
Англиски: from
Примери:
Од левата страна на улицата беа наредени неколку продавнички за сувенири.
5. (пространствено значење) Гранична линија од која почнува нешто.
Англиски: from
Примери:
Надолу од колената ѝ се гледаат проширените вени.
6. (пространствено значење) Упатеност на местото на вршење на дејството.
Англиски: from
Примери:
Од покривот на зградата често ги пуштал гулабите.
7. (пространствено значење) Извесна измереност, растојание (со други предлози).
Англиски: from
Примери:
Од Охрид до Скопје стигнавме за два часа.
Скокаше од камен на камен и не ги наводени чевлите.
Чумата многу бргу се ширеше од куќа в куќа.
8. (временско значење) Момент од кога почнува нешто.
Англиски: from
Примери:
Од утре започнува зимско сметање на времето.
9. (временско значење) Растојание, временска измереност.
Англиски: from
Примери:
Оваа година славиме 60 години од основањето на Филозофскиот факултет.
Учениците нема да одат на школо од среда до понеделник.
Состојбата ќе ни се влошува од ден на ден.
10. поседување, припадност
Англиски: from
Примери:
Ливадите од Петревци ги коси Јанко од Добри Дол.
11. Потекло, произлез на нешто.
Англиски: from
Примери:
Секој вторник се информираме за настаните од татковината.
Сите производи се од увоз од познати светски фирми.
Ме воодушеви фигурата од бел мермер.
12. Дел од нешто, од целина.
Англиски: from
Примери:
Детето касна малку од јадењето и излезе да си игра.
Го загриза крајчето од лебот и го фрли.
13. причина
Англиски: from
Примери:
Ќе остари пред време од тага по загинатиот син.
Не умрел од болест, туку од лудост.
14. Количество, мера, вредности и сл.
Англиски: from
Примери:
Купил чевли од сто евра.
Се фалеше дека уловил мрена од два килограма.
Тоа беше едно огромно јато од илјадници црни птици.
15. Признак, особина, карактеристика.
Англиски: from
Примери:
Спогодбата за пасишта е од животна важност за нас.
Твоите проблеми од таков вид не може никој да ти ги реши.
16. споредба
Англиски: than
Примери:
Во секој поглед ние сме подобри од вас.
Помалата ќерка е повисока од постарата.
17. Преминување од една состојба во друга.
Англиски: from
Примери:
Од пријатели - станаа најголеми непријатели.
По смената на власта, од прв човек на фирмата пак стана обичен работник.
18. Вршител на дејство (во пасивни реченици).
Англиски: from
Примери:
Мара беше многу навредена од синот единец.
Ќе бидете повикани од Обвинителството да сведочите.
FlexiMac
 менување на македонски глаголи