а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

носи

носат
Вид збор: Глагол, свршен и несвршен
1. Држејќи нешто, некого в рака, в раце или товарено на себе, оди за да го премеcти.
Англиски: carry Албански: mbaj
Примери:
Во едната рака носеше торба.
Во рацете носеше русокосо девојче.
На рамо носеа лопати.
На грб носел војничка раница.
Жените на глава носеа тепсии.
2. Има на себе, кај себе како облека, украс, нужен предмет, белег и сл.
Англиски: wear Албански: mbath
Примери:
Носеа селска облека.
Носеше црни чевли.
Секогаш носеше капа.
Побогатите жени носеа златни обетки.
Со себе носеше малку пари.
И ноќе носеше темни очила.
И кога врнеше, не носеше чадор.
Носеше тенки модерни мустаќи.
Од војната носеше неколку рани.
3. Со некакво средство (товарно, превозно и сл.) дотерува, довезува, е превезуван.
Англиски: transport Албански: transporton
Примери:
Ранетите ги носеа на носила.
Стоката ја носеа со товарен добиток и со коли.
По островите вода за пиење носеа со бродови.
Автобусите носеа група бегалци.
Bозот не носеше на југ.
Авионите секој ден носеа нови туристи.
4. Води со себе, придружува при одење, одведува, сместува некаде.
Англиски: lead Албански: udhëzon
Примери:
Жената си ги носеше децата секаде.
Наутро ги носеа децата на училиште.
Детето го носи во градинка.
Носеа двајца заробени во штабот.
Тој ги примаше работниците и ги носеше по градилиштата.
По селата доаѓаа мечкари кои со себе носеа стари, грди мечки.
5. Држи, поднесува товар.
Англиски: support Албански: mban
Примери:
Столбовите ја носат целата конструкција.
Мостот го носат два столба.
Лифтот носи триста килограми.
6. Снабдува, обезбедува нешто.
Англиски: supply Албански: siguroj
Примери:
Само тој носи некој денар дома.
Таа носи леб во куќата.
На работа им носат јадење.
Редовно му носи храна на добитокот.
7. Дава приход, добивка.
Англиски: earn Албански: meriton
Примери:
Дуќанот му носи добри пари.
Лозјето не му носи ништо.
Тутунот им носи колку за леб.
8. Има име, наслов.
Албански: mban
Примери:
Тој го носеше името на својот дедо.
Не сакаше да носи никаков прекар.
Некои улици носеа имиња на историски настани.
Статијата носеше долг наслов.
9. Е во состојба на бременост.
Албански: gjendje
Примери:
Таа носи близнаци.
10. За ветар, вода - разнесува, одвлекува.
Албански: përhap
Примери:
Ветрот носеше пепел и чад.
Ветрот го носи гласот на камбаната.
Ветрот носеше мирис на јоргован.
Планинските води ја носеа пролетта.
Водата носеше сè пред себе.
11. Соопштува, предава, има некакво расположение, се карактеризира со нешто.
Англиски: inform Албански: informon
Примери:
Книжевната дејност од тој период носи исклучиво црковен карактер.
Во себе носи тешка навреда.
Носи радост.
Носеше тага во душата.
Носи среќа.
Носи надеж.
Носи поздрав.
Hоcи добра вест.
Носи порака.
12. За кокошка, птица - носи јајца.
Англиски: lay Албански: mban
Употреба: Дијалектен збор
Примери:
Нашите кокошки секоја седмица ни носат јајца.
13. (се носи) Живее, се држи, постапува на определен начин.
Англиски: live Албански: mbahem me
Примери:
Тој сметаше дека секој може да се носи по свој ќеф.
Во мојата куќа секој ќе се носи како што се носи нашиот народ и како што рекол Господ.
Вие сте наша вера и ќе се носите како што бараат нашите закони.
Одеа право, се носеа убаво со сите.
14. (се носи) Се облекува според поводот, според модата.
Англиски: wear Албански: mbathet
Примери:
Во црква се носела многу поскромно.
Сега се носат покуси фустани.
Имаше големи обетки како што се носеле некогаш.
15. (се носи) За глас, песна - се слуша, одекнува.
Англиски: spread Албански: përhapje
Примери:
Од градот се носеше замрена врева.
Беше време кога само пискотници се носеа по селата.
Се носи ѕвонлива смеа на насобраната младеж.
16. (се носи) За мирис - се шири.
Англиски: spread Албански: përhapet
Примери:
Во собата се носеше остра миризба на дуњи.
Во дворот се носеше миризба на липов цвет.
Мирис на тутун се носеше во бранови.
Низ градот се носеше реа на чад, бензин и ѓубре.
Изрази
Може в уста да го носи - од него е многу подобар, поспособен.
На душа го (ме, те) носи - му направил голема неправда.
На раце го (ме, те) носи - многу се грижи, сè му угодува.
Се носи со мисла - има намера, планира нешто.
Може (некому) само вода да му носи - многу е подобар од лицето за кое се зборува.
Изведенки
носење ср.
глаг. им.
FlexiMac
 менување на македонски глаголи