а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

на

Вид збор: Предлог
1. Пространствено значење: место каде што се наоѓа нешто или се случува нешто.
Примери:
На тротоарот стоеја двајца стражари.
Се криел на таванот.
2. Вршење дејство кон определено место, насока.
Примери:
Се искачија на Водно за половина час.
3. Целно, намерно значење.
Примери:
Ги оставиле децата на чување кај сосетката.
Од први март ќе одам на работа.
Утре одиме на Бистра да скијаме.
4. временско значење
Примери:
На излегување од дома се сретнав со Иван.
Судбоносниот настан се случил на трети мај во Велес.
5. припадност, поседување
Примери:
Ретко влегуваа соседи во домот на остарениот Јован.
Од торбата на овчарот жената истресе неколку камчиња.
6. условно-временско значење
Примери:
На променливо и врнежливо време болните не треба да излегуваат надвор.
7. начинско значење
Примери:
Јана се налутила иако сето тоа ѝ било кажано на шега.
8. причинско значење
Примери:
На мое инсистирање остана до крајот на состанокот.
Сите му се восхитуваа на храброста што ја покажа во тој момент.
9. Средство, инструмент за вршење дејство.
Примери:
Марко свири на неколку гудачки инструменти.
По цел ден разговараа на телефон со пријателите.
10. поттикнување, наведување
Примери:
Тој непрокопсаник го учи детето само на лоши работи.
11. мерка, количина
Примери:
Со брзина од 320 километри на час го соборил досегашниот рекорд.
Тешко можеше да се претпостави дека е човек на 80 години.
12. квалитативен признак
Примери:
На лице - бела црвена, на снага - тенка висока.
13. споредба
Примери:
Во одењето, целиот е на татко му.
Секој ќе забележи дека многу личи на тетка ѝ Лена.
14. Премин од една состојба во друга.
Примери:
Јас ќе се престорам на умрен, а ти...
Царот се престорил на питач и седнал до чорбаџијата.
15. распределба
Примери:
Ви следува по еден шатор и три ќебиња на семејство, како прва помош.
16. Околност под која се врши дејството.
Примери:
Немој да пиеш на гладно срце.
17. Вршител на дејство.
Примери:
Пеењето на Марија ги воодушеви присутните.
Со внимание го следеше летот на орелот.
18. Објект, трпител на дејство.
Примери:
Целиот живот ќе го помине во воспитување на децата.
Слободното време го користеше за следење на фудбалските натпревари.
19. Упатеност, насоченост на дејството кон некого.
Примери:
Сета вистина ќе му ја кажам на татко ти.
Не треба да му веруваш на секој во групата.
20. Носител на состојба.
Примери:
Да си одиме, на детето му се спие.
Изрази
На бунт! На оружје! - апел, наредба.
На здравје! На здравје, на живот! - здравица, желба.
На брза рака - забрзано.
На бавтана - случајно, на среќа.
На куковден - никогаш.
FlexiMac
 менување на македонски глаголи