а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

намести

наместат; наместил
Вид збор: Глагол, свршен
Ранг: 2799
1. Стави нешто на соодветно место или во определена положба.
Англиски: adjust Албански: rregulloj
Примери:
Ја намести рачката на секирата.
Ги намести рацете за молитва.
Намести го саатот да ѕвони.
2. Уреди, среди, постави според потребата.
Англиски: prepare Албански: përgatit
Примери:
Ги отвори прозорците и ги намести креветите.
Ја намести собата како за гости.
Намести ја масата за ручек.
3. Снабди со мебел.
Англиски: furnish Албански: pajis
Примери:
Добро го наместиле станот.
Кујната ја наместиле со сѐ што треба.
4. Направи сплетка, подлост некому.
Англиски: set up Албански: koklavitje
Употреба: Разговорно
Примери:
Ако не си ги отвориш очите, убаво ќе те наместат.
Него го наместиле, а тие се истргале.
Го наместиле дека тој ја запалил куќата.
5. Вработи некого.
Англиски: employ Албански: punësoj
Примери:
Го наместил синот за директор на фирмата.
6. (се намести) Седне, заземе место.
Англиски: settle Албански: zë vend
Примери:
Испоседнаа, се наместија кој кај стигна.
Се намести на каучот и заспа.
7. (се намести) Се вработи, заземе функција и сл.
Англиски: deploy Албански: punësoj
Примери:
Се наместил за раководител на друштвото.
Ги оставија селата, сите се наместија по градовите на разни места.
Изведенки
1. наместува несв.
(се) наместуваат
2. наместување ср.
глаг. им.