а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

кал

(едн.) калта
Вид збор: Именка, женски род
1. Земја раскашавена од вода.
Англиски: mud Албански: baltë
Примери:
Калта како тесто се лепи за чевлите, натежнува.
Нозете ѝ беа покриени со засушена кал.
Колата се заглави среде длабоката, црна кал на патот.
2. Посебна смеса од земја, вода и слама што се употребува при ѕидање.
Англиски: mush Албански: baltë, lloç
Употреба: Архаизам
Примери:
Порано куќите се мачкаа со кал.
Надвор вее ветриште и удира врз ѕидовите плетени, та облепени со кал.
3. нечистотија
Англиски: dirt Албански: ndyrësi, baltë
Примери:
Ушна кал.
За да ти заврши некоја работа, ќе ти ја земе и калта под ноктите.
4. беда, мизерија
Англиски: misery Албански: mizeri, varfëri
Употреба: Преносно значење
Примери:
Луѓето сепак не се толку лоши и тој можеби не ги турка сосема во калта на животот.
Мрзеливост, кал и прав беа белези со кои се сродил векот.
Изрази
Фрла кал на некого - клевети, навредува некого.
Извлекува, крева (некого) од калта - дава помош некому, спасува некого од материјална беда или од морална пропаст, од срамота.
Изведенки
1. кал м.
(едн.) калот
2. калца ж.
(едн.) калцата
дем.
FlexiMac
 менување на македонски глаголи