а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

излее

излеат; излеј, излејте; излеав, излеаја; излеал; излеан; излеев, излееја: излеел; излеен
Вид збор: Глагол, свршен
Ранг: 7369
1. Истури течност од сад, направи да претекува.
Англиски: pour Албански: derdh
Примери:
Тој излеа едно шише бензин на суровите дрва и ги запали.
Жената ја излеа валканата вода од кофата.
2. Направи, измоделира од топен метал и сл.
Англиски: cast Албански: bëri
Употреба: Технологија
Примери:
Првите топови произведени во нашата земја ги излеаја работниците на оваа фабрика.
Тој излеваше разни фигури од восок и ги продаваше низ градот.
3. Им дава слободен замав или израз на своите чувства, расположби и сл.
Англиски: spill Албански: derdh
Употреба: Преносно значење
Примери:
Поетот ја излеа својата љубов кон саканата во песна.
Окупаторот го излеа својот бес на недолжното население.
4. За светлосен извор: месечина, сонце - рашири светлина.
Англиски: spill Албански: hapërdaj
Употреба: Преносно значење
Примери:
Месечината ја излеала својата светлина по улиците на градот.
5. (се излее) За воден тек (река) - излезе од коритото.
Англиски: overflow Албански: del
Примери:
Од силните дождови, реката се излеа на неколку места.
6. (се излее) За течна маса во сад - се пролее.
Англиски: spill Албански: derdh
Примери:
Од трускањето на колата по ископаниот пат, ширата се излеа од бурилото.
Изведенки
1. излева несв.
излеваат
2. излевање ср.
глаг. им.
FlexiMac
 менување на македонски глаголи
ДИГИТАЛНИ РЕСУРСИ НА МАКЕДОНСКИОТ ЈАЗИК