а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

извади

извадат
Вид збор: Глагол, свршен
1. Направи нешто да излезе од некоја внатрешност, од некое место, надвор или нагоре, издвои од некоја средина.
Англиски: take out Албански: heq, nxjerr
Примери:
Тој извади слика од палтото.
Тие не ги извадија пушките од сандакот надвор.
2. Изнесе нешто пред некого; понуди нешто.
Англиски: offer Албански: ofron
Примери:
Кристалниот сервис го извадивме на маса на роденденот на татко ми.
Извадија матеница и сирење.
3. Сосила извлече, искорне.
Англиски: pull Албански: nxjerr, heq
Примери:
Тој го извади забот што го болеше.
Сестрата ми го извади трнот од прстот со игла.
Чиракот со теслата ја извади шајката од штицата.
4. Произведе со вадење од некаде.
Англиски: produce Албански: nxjerr
Примери:
Ние извадивме песок од реката.
Извадија три вравови.
Ја извади првата фурна.
5. Произведе со сечење, режење и сл.
Англиски: produce Албански: prodhon
Примери:
Од трупецот извади само четири штици.
6. Извлече како состојка, екстракт, издвои.
Англиски: extract Албански: ekstraktoj
Примери:
Производителите ја извадија маста од млекото.
7. Добие, заработи, стекне материјална добивка.
Англиски: earn Албански: nxjerr, fiton
Примери:
Годинава извади сто јагниња.
Го извади ручекот носејќи цигли за мајсторите.
8. Поврати материјални средства како резултат на вложување, надополни.
Англиски: return Албански: nxjerr, kthen
Употреба: Разговорно
Примери:
Од таа работа и трошокот не го извадивме.
9. Исчисти, отстрани од некаде или од нешто.
Англиски: remove Албански: fshij, menjanoj
Употреба: Математика
Примери:
Дамките ги извадивме со специјално средство.
10. Извлече од тешка материјална или друга состојба.
Англиски: save Албански: nxjerr, shpëtoj
Примери:
Тој го извади од сиромаштијата.
Го извади од затвор.
Тој ја извади жената од работа.
Го извади од калта.
11. Направи, состави нешто врз основа на некој извор.
Англиски: compile Албански: hartoj, nxjerr
Примери:
Извади цитати од книгата.
Извади заклучок.
12. Набави официјален документ.
Англиски: procure Албански: nxjerr, siguroj
Примери:
Извади лична карта.
13. Набави пропусница, билет и сл.
Англиски: buy Албански: blej, nxjerr
Примери:
Извади билет за во театар.
14. Прогласи некого за луд, неспособен и сл.
Англиски: declare Албански: deklaroj, nxjerr
Примери:
Го извадија луд и така не отиде во затвор, туку во болница.
Го извадија неспособен за војска.
15. Поголем број намали со вадење на помал, изврши операција вадење, одземање.
Англиски: subtract Албански: heq
Примери:
Од добивката ги извади трошоците.
16. Пресмета корен, т.е. за кој број некоја величина претставува определен степен, изврши операција коренување.
Англиски: draw Албански: llogaritë, nxjerr
Примери:
Извади корен од бројот.
17. (се извади) Се извлече од тешка положба, се спаси, вешто се изговори.
Англиски: save Албански: shpëtoj, dal
Примери:
Се извади да не оди на пат.
Изрази
Извади душа - убие, одземе живот.
Извади душа - премори, измалтретира.
Извади од памет (ум) некого - направи некој да стане како луд, преплаши, излуде.
Му го извади зборот од уста - рече пред некој друг да каже.
Извади очи некому - жестоко нападне некого.
Извади песна за некого или за нешто - испее песна за некого или за некој настан.
Извади име/прекар - измисли, даде име или прекар.
Не може да го извади од уста - постојано зборува за некого или за нешто.
Не може да извади од ум некого или нешто - постојано мисли на некого или на нешто.
Очи нека си извадат - што сакаат нека прават.
Му го извади низ нос - направи да му здодее нечија услуга.
Извади од кожа некого - многу изнервира некого.
Изведенки
извадува несв.
извадуваат
FlexiMac
 менување на македонски глаголи