а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

иде

идат
Вид збор: Глагол, несвршен
1. Доаѓа ваму; со одење или со превозно средство, а и самото превозно средство, се приближува однекаде наваму (обично кон лицето што зборува).
Англиски: come Албански: vij
Примери:
Многу ретко идеш.
Од далеку ли идеш?
Идам право од дома.
3а првпат идеме овде, во селово.
И да го викаш, не иде.
Мајка ми иде со ужина.
Во мракот иде кон него некаква човечка фигура.
Кога иде возот од Белград?
2. Се враќа.
Англиски: come Албански: vij, kthej
Примери:
Пијан иде од работа.
Ни писмо праќа, ни сам иде.
3. Придружува некого при одење некаде.
Англиски: accompany Албански: shkoj, shoqëroj
Примери:
Иди сега по мене ваму!
Девојката иде со нив.
И ти сакаш да идеш со нас?
4. За предмет - пристига, доаѓа однекаде на определен начин.
Англиски: arrive Албански: vij, arrij
Употреба: Преносно значење
Примери:
Често идеа писма од синот.
Дневно идат по два авиона.
5. За време, период, за природни феномени - наближува, настапува.
Англиски: approach Албански: vij, afrohet
Примери:
Иде пролет.
Идат темни облаци.
Сушите иделе со војната.
Иде старост.
6. Влегува, се разнесува, се шири, доаѓа до нашите сетила.
Англиски: spread Албански: vij, përhapet
Примери:
Светлина идеше низ малечкото прозорче.
Свежина идеше од реката.
Стравот идеше од мракот.
Неговиот глас идеше оддалеку.
Тоа влијание идеше кај нас од соседните литературни јазици.
7. Оди, се движи (ненасочено).
Англиски: come Албански: vij, lëvizë
Употреба: Дијалектен збор
Примери:
По ридот идеа две деца.
Турска војска идела од три страни.
Идат сватови по невеста.
Вечер ќе идеме во кино.
8. Ми (ти, му ...) се иде. Сака, му доаѓа, има желба.
Англиски: like Албански: vij, më vjen
Употреба: Безлично
Примери:
Од радост ми иде да запеам.
Му иде чудна мисла.
Му иде да заплаче.
Изрази
Му иде на ум - размислува, се досетува.
Му иде жал - се разжалостува.
Му иде од рака - го бидува, има способност, способен е.
Не му иде умот/паметот - не се вразумува, не се опаметува.
Иди (ми) - дојди (ми) - несериозен човек или несериозна работа.
FlexiMac
 менување на македонски глаголи