а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

змија

мн. змии
Вид збор: Именка, женски род
1. Влечуга без нозе што се движи ползејќи, со лизгаво, долго тело.
Латински: Ophidia Англиски: snake Албански: gjarpër
Употреба: Зоологија
Примери:
Отровна змија.
Водна змија.
2. Тој што е лош, злобен или подмолен како змија.
Англиски: villain Албански: njeri i lig, njeri gjarpër
Употреба: Зоологија , Преносно значење
Примери:
Што змија станала газдарицата!
Изрази
Блуе змии и гуштери - кажува лоши зборови.
Го касна змија за срце - му се случи големо зло.
Го касна змија за срце - претчувствува големо зло.
Змија да е, ама од срце да е - детето се сака безусловно.
Змија не го клука - за ништо не се грижи.
И за змија се фаќа - тој што нема друг излез се фаќа за што и да е.
Ја нагази змијата на опашка - сам предизвика некоја опасност.
Каснат од змија и од врвка (гуштер) се плаши - тој што веќе настрадал станува многу внимателен и претпазлив.
Кога ќе ја покаже змијата ногата - никогаш.
На змијата и оди во уста - оди кон очигледна опасност.
Со голи раце змија не се фаќа - оди неподготвен кон некаква опасност.
Чува змија в пазува - близок е со некој што му е непријател, не е свесен дека злото му е во близина.
Изведенки
1. змивче ср.
мн. змивчиња
дем.
2. змијуле ср.
мн. змијулиња
дем.
3. змијулче ср.
мн. змијулчиња
дем.
4. змијче ср.
мн. змијчиња
дем.
5. змииште ср.
мн. змиишта
аугм.
FlexiMac
 менување на македонски глаголи