а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

зборува

зборуваат
Вид збор: Глагол, несвршен
1. Има способност усно да се изразува; владее со определен јазик.
Англиски: talk Албански: bisedon
Примери:
Детето веќе зборуваше.
Тој зборува течно англиски.
2. Усно соопштува, изразува мисли, чувства.
Англиски: tell Албански: tregon
Примери:
Со носталгија зборуваше за детството.
3. Писмено соопштува, изразува мисли, чувства.
Англиски: narrate Албански: rrëfej
Примери:
Во книгата авторот зборува за една трагична човечка судбина.
4. комуницира, разговара
Англиски: communicate Албански: komunikon
Примери:
Двајцата зборуваа за синоќешната средба.
Оттогаш тие не зборуваат.
5. Убедува некого, дава совет.
Англиски: advise Албански: këshilloj
Примери:
Му зборуваа сите, но тој остануваше на своето.
Татко ѝ долго ѝ зборуваше, и тоа како да ја поколеба.
6. Држи говор, беседа.
Англиски: speak Албански: mban fjalim
Примери:
На свеченото отворање ќе зборува Претседателот.
7. Се пројавува, се искажува во нечии постапки, зборови; се гледа, може да се види од нешто.
Англиски: talk Албански: tregon
Употреба: Преносно значење
Примери:
Од неа зборува една длабоко осамена душа.
Од нивните погледи зборува гордоста и патриотизмот.
За квалитетот на нивните производи зборува постојаната голема потрошувачка.
Тој не кажа ништо, но како очите да му зборуваа.
8. Сведочи, докажува без потреба од дополнително објаснување.
Англиски: prove Албански: dëshmon
Употреба: Преносно значење
Примери:
Фактите зборуваат поинаку.
Постапката сама по себе зборува.
9. озборува
Англиски: defame Албански: shpif
Употреба: Разговорно
Примери:
Го зборуваа низ селото дека се поматил со умот.
10. (се зборува) се раскажува
Англиски: say Албански: tregon
Примери:
Низ целиот град се зборуваше за настанот.
Изрази
Зборува како празна воденица - зборува многу и постојано.
Зборуваат на различни јазици - не се сложуваат, не се разбираат.
Tи зборувам ќерко, сети се снао - обраќање кон еден со порака наменета за друг.
Зборува на ѕид / на глув - залудно зборува некому.
Изведенки
зборување ср.
глаг. им.
FlexiMac
 менување на македонски глаголи