а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

долг

долги
Вид збор: Придавка
1. Што има голема должина.
Англиски: long Албански: i gjatë
Примери:
долги бради
долга рака
долга пушка
долг чардак
2. Што има определена должина, растојание од едниот до другиот крај.
Англиски: distant Албански: i largët
Примери:
Патот беше долг повеќе од една милја.
Таа просторија беше долга десетина метри.
Падна во несвест, па колку што е долг се испружи на постелата.
Му се чинеше дека оваа улица е најдолгата за која се знае.
3. Што трае многу време, што е долготраен.
Англиски: long Албански: i gjatë
Употреба: Преносно значење
Примери:
Тоа е долга приказна.
Само еден митралез го бараше со долг рафал.
Денот им се виде подолг одошто во нивните места.
Тие чувствуваа слабост кон долгите говорења.
Во долгите зимски ноќи ветерот касаше како гладен волк.
4. Што означува определен временски период: ден, месец, година и сл.
Англиски: long Албански: i gjatë
Примери:
Останаа долго време во водата.
Кој ќе ја поднесува зимата уште долги месеци.
Во задушните фабрички сали преживеа долги години.
Изрази
Долга и широка - за работа, случка што е многу сложена, непријатна или пак за чиешто раскажување или извршување треба многу време.
Долга магарица - вид детска игра.
Има долг јазик - многу зборува и не води сметка, не внимава што кажува.
Има долга рака - краде.
Изведенки
долгичок прид.
долгичкиот
дем.
Пример: Неговата брада е долгичка, но ретка.
FlexiMac
 менување на македонски глаголи