а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

врзе

врзат
Вид збор: Глагол, свршен
1. Соедини, спои со јазол два краја на конец, јаже и сл.
Англиски: tie Албански: lidh
Примери:
Ги врза врвците на чевлите.
2. Обвитка, стави, спакува во нешто и стегне со јаже, со врвка и др.
Англиски: tie Албански: lidh
Примери:
На главата ќе врзе црвен шал.
Го врза зајакот во вреќа.
Ги врза жолтиците во едно шамивче.
Му ги врза очите со шамија.
Со синџири ги врза дивите горски ѕверки.
3. Ограничи, оневозможи движење на некого, на нешто, прикрепувајќи, приврзувајќи го со јаже и сл.
Англиски: tie Албански: lidh
Примери:
Кај ќе го врзеш, таму ќе остане.
Го врза коњчето во дворот.
Рибарот го врза чунот крај брегот.
Му ги врзаа рацете и нозете, го пикнаа в зандана.
Врзете им ги рацете!
Ги врзаа маските на јаслите.
4. 3акачи, обеси нешто на нешто.
Англиски: hang Албански: lidh, var
Примери:
Му врзаа камен околу гуша и го фрлија во езерото.
Крени го скутникот и убаво врзи го на половината!
Бело гушалче си врзала.
5. Приврзе, придобие за нешто, освои.
Англиски: attract Албански: lidh, përfitoj
Употреба: Преносно значење
Примери:
Со топлите очи таа го врза за себе.
6. Обврзе, задолжи, принуди на нешто.
Албански: lidh
Употреба: Преносно значење
Примери:
Со договорот ги врза лекарите да не можат да му дадат отказ.
7. За растение - заврзе плод.
Англиски: bear Албански: lidh
Употреба: Ботаника , Преносно значење
Примери:
Овошката врза плод.
8. (се врзе) Се приврзе за нешто.
Англиски: attach Албански: lidhem
Употреба: Преносно значење
Примери:
Децата се врзаа за домот.
Се врза за работата.
9. (се врзе) Се обвитка, се стегне со јаже, со врвка и др.
Англиски: wrap Албански: lidh, mbështjell
Примери:
Се врза со шалот.
Изрази
Врзе шлаканица - со рака удри по лице.
Му се врза јазикот - замолчи, изгуби волја за зборување.
Врзе крај со крај - тешко успева да преживее.
Врзе во крпче/врзе во умот - запамети.
Врзе коска/врзе снага - зајакне, зацврсти.
Изведенки
1. врзува несв.
(се) врзуваат
2. врзување ср.
глаг. им.
FlexiMac
 менување на македонски глаголи