а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

брани

бранат; бранам; бранев, браневме, браневте; бранел; бранет
Вид збор: Глагол, несвршен
Ранг: 1135
1. Чува, штити некого од напад.
Англиски: defend Албански: mbroj
Примери:
Комитите го бранеа народот од турскиот аскер.
Квачката ги бранеше своите пилиња од јастребот.
2. Застапува некого на суд, е негов бранител.
Англиски: defend Албански: mbroj
Употреба: Правда
3. Не дозволува, спречува, забранува нешто (со кратка заменска форма: ми, ти, му...).
Англиски: hamper Албански: pengoj
Употреба: Преносно значење
Примери:
Ми брани да влезам.
Брани ги кокошките да не влезат во градината.
Нека дојдат, јас не им бранам.
4. Штити, потврдува став, идеја, научен труд и сл.
Англиски: defend Албански: mbroj
Употреба: Образование
Примери:
Авторот на книгата ги бранеше своите ставови и идеи.
Тој, докторската дисертација ја бранел во Москва.
5. Е во одбраната, на голот како голман.
Англиски: defend Албански: mbroj
Употреба: Спорт
Примери:
На вчерашниот натпревар бранеше новиот голман.
6. (се брани) Се штити од напад, дава отпор.
Англиски: defend Албански: mbroj
Примери:
Кучето се бранеше од мувите.
Боксерот се бранеше од ударите на противникот.
Пуштен да се брани од слобода.
Изведенки
бранење ср.
глаг. им.
FlexiMac
 менување на македонски глаголи
ДИГИТАЛНИ РЕСУРСИ НА МАКЕДОНСКИОТ ЈАЗИК