а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

бразда

мн. бразди
Вид збор: Именка, женски род
1. Тесен долг трап, плиток ров по површината на почвата што го остава плугот или направен со друго орудие за обработка на земјата, појас од разорана земја што се протега по должина.
Англиски: furrow Албански: hulli
Употреба: Земјоделство
Примери:
Тракторот зад себе оставаше свежо изорани бразди.
2. Долга, тесна и плитка длабнатина по површината на земјата по која тече вода, канал за наводнување.
Англиски: groove Албански: ulluk
Примери:
Браздата полна со вода гргореше меѓу базјето.
Со години меѓу дрвјето тече селската бразда.
3. Трага што ја остава нешто по мека површина или по површината на водата.
Англиски: rut Албански: gjurmë
Примери:
Тој го продолжи разговорот правејќи бразди со машата во пепелта пред себе.
4. Голема брчка на лицето, на кожата.
Англиски: wrinkle Албански: rrudhë
Употреба: Преносно значење
Примери:
На нејзиното лице предвреме се покажаа бразди.
5. Струјка од солзи, пот, крв, од течност.
Англиски: stream Албански: pikë
Примери:
По образите им течеа бразди сладок сок од лубеница.
Околу устата во бразди се слеваше валкана пот.
Изведенки
1. браздиче ср.
мн. браздичиња
дем.
2. браздичка ж.
мн. браздички
дем.
3. браздуле ср.
мн. браздулиња
дем.
4. браздулче ср.
мн. браздулчиња
дем.
5. браздиште ср.
мн. браздишта
аугм.
FlexiMac
 менување на македонски глаголи