уво

мн. уши
Вид збор: Именка, среден род
Ранг: 457
1. Орган на слухот кај човек и кај животно.
Англиски: ear Српски: ухо Албански: vesh Бугарски: ухо
Употреба: Анатомија
Примери:
Надворешно, средно и внатрешно уво.
Со свои уши го чув тоа.
Со едното уво не слуша.
Ми бучат ушите.
Кое уво ми свири?
Шум во ушите.
Ми ги оглуши ушите.
Од пукотницата ми заглувнаа ушите.
Си ги затна ушите да не слуша.
Му влезе вода в уши.
Вид: орган (м.)
2. Способност за слушање, слух.
Англиски: hearing Албански: dëgjim
Употреба: Медицина
Примери:
Има добро уво - има добар слух.
Пара уши - оглуши.
музикално уво
ловечко уво
Слично со: слух (м.)
3. Надворешниот дел од увото.
Англиски: ear Албански: vesh
Употреба: Анатомија
Примери:
долги уши, мали уши
магарешки уши
Начули уши, нададе уши, наостри уши.
Го тргна за уво.
4. (обично во мн.) Тапата страна на секира, мотика и сл.
Албански: mykë
5. (обично во мн.) дупка на игла
Англиски: ear Албански: vrimë
Примери:
иглени уши
Полесно е камила да мине низ иглени уши, отколку богат да влезе во царството божје.
6. (само во мн.) Рачка на плуг - на предниот дел на повеќе ралници.
Албански: dorëza
7. (само во мн.) Штици на двата краја на брдото од разбојот.
Албански: dhogë avlëmenti
Изрази
(разг.) Од едното уво му влегува, од другото му излегува - набрзо заборава или игнорира.
И ѕидовите имаат уши - некој може да прислушнува.
(посл.) Од уши в уши - од уста в уста, на царот в уши.
Се вцрви до уши - се засрами.