уста

мн. усти
Вид збор: Именка, женски род
Ранг: 289
1. Кај човек и кај животно - како орган низ кој се прима храна.
Англиски: mouth Албански: gojë
Употреба: Анатомија
Примери:
Има мала, голема уста.
Ја отворил устата како некоја ламја, ќе те лапне.
Не сум клал ништо в уста.
Си дели од устата.
2. Како способност да се говори, јазик, или како орган на говорот.
Англиски: tongue Албански: gojë, gjuhë
Употреба: Разговорно
Примери:
Зар дека добиците немаат уста да кажат, треба така безмилосно да се мачат?
Ја отвори устата (отвори уста) - проговори.
Ни уста не отвори (ни збор не прозборел).
Кажи, нема да ти се изеде устата.
Лоша уста, погана уста.
Многу си ја отворил устата.
Му изнареков сѐ што ми дојде до уста.
Од уста в уста.
Со полна уста - од срце.
3. усна, усни
Англиски: lip Албански: gojë, buzë
Примери:
Ја бакна в уста.
Дебели усти.
Со нацрвена уста.
4. човек, душа, глава
Англиски: people Албански: gojë, krerë
Примери:
Девет усти чекаат дома од мене (да ги нахранам).
5. Устина, отвор што личи на уста.
Англиски: opening Албански: vrimë, birë
Примери:
Устата на топот.
6. утока, устие
Англиски: mouth Албански: grykë
Употреба: Географија
Примери:
Устата на реката.
7. Чавкина уста (едногодишно растение чијшто цветови се отвораат како уста кога ќе ги притиснеш.
Латински: Antirrhinum Англиски: snapdragon Албански: gojuku
Употреба: Ботаника
Изрази
(разг.) Му го зеде залакот од устата - му ги одземал и последните средства за живот.
На волкот в уста му влезе (му отиде) - се изложи на голема опасност.
Не ми се клава залак в уста - нема апетит.
Си ја носи пченицата в уста - пред умирање е, со едната нога во гроб.
Си остана со прстот в уста - со празни раце (вчудоневиден).
Устата ми фати павлака - (ме доболе) од зборување.
Устата му мириса на млеко - уште е незрел, неискусен.
(посл.) Зини усто, лапни море - како забелешка за некој кој е многу лаком.
(посл.) Многу раце благословени, многу усти колнати - добро е кога има многу раце за работа, ама лошо е кога треба да се нахранат многу луѓе (усти).
Што сум зготвила манџа, мртви усти да јадат - многу вкусно јадење.
Отиде уште со залакот в уста (јадејќи) - касна на брзина.
В уста ми е (зборот) на врв на јазик ми е - кога не можеш да се сетиш на некој збор.
(разг.) Блага (слатка, златна, медена) уста - слаткоречив е.
Зар уште имаш уста да зборуваш?
Затвори си ја устата (престани да зборуваш).
Ми го зеде зборот од уста - каже нешто што друг сакал да каже.
(посл.) Царската уста - остра сабја - царскиот збор не се порекнува.
(клетва) Да ти онемее устата!
(Од) твоја уста (во) божји уши!
Уста има, јазик нема - тивок, ќутлив е.
Отворил една уста до уши - многу зборува.
Со уста (лично) еве ќе те канам.
Му ја затна устата - замолчи со аргументи.
Фали ме, усто, зашто ќе те раскинам.
Со која уста го рече тоа?
Со половина (празна) уста (со тешко срце, со колебање).
(разг.) Си ја прекаса устата - се изненади, се запрепасти.
FlexiMac
 менување на македонски глаголи
ДИГИТАЛНИ РЕСУРСИ НА МАКЕДОНСКИОТ ЈАЗИК