мајстор (имн.) - за (предл.)

— Знам оти невестата Доста е мајстор за готвење, та ако ѝ требат ете, и тоа купи, — рече Стојо, правдајќи се за лимуните и портокалите.
„Крпен живот“ од Стале Попов (1953)
Јас немав време да ја почувствувам во моментот сета гордост од ова признание - таа ќе настапи попосле - зашто брзав, и не мислејќи да исфрлам како без душа: „Господине, уште не дојде мајсторот за чевлите”.
„Послание“ од Блаже Конески (2008)
Правецот во која се одеше беше погрешен, луѓето стануваа мајстори за лажење, како обид за излез користеа секакви можни финти како би се одбегнал пренадуван вакуумски балон...
„Ветришта“ од Радојка Трајанова (2008)
И покрај тоа, отворено никогаш не ѝ признаваа, беше евидентно дека Рада беше вистински мајстор за изработка на најразновидни слатки: од тикви, грозје, сливи, јагоди, вишни, капини.
„Последната алка“ од Стојан Арсиќ (2013)
Го знаев напамет ходникот и мајсторот за варосување кој влечкаше дебела скала.
„Ниска латентна револуција“ од Фросина Наумовска (2010)
И неговите пријатели, кои го сочинуваат неговиот свет, исто така се луѓе како него, водоводџии, малтерџии, молери, дрводелци, електричари, мајстори за покриви на куќи, и луѓе што го снабдуваа со тули, цемент, вар, песок, дробен камен, тер-хартија, железарија и дрвена граѓа.
„Невестата на доселеникот“ од Стојан Христов (2010)
Меѓу нив, навистина, имаше и трубачи, па и мајстори за правење топови со платичка и до педесет аспри - убава платичка! - но нели и тие сепак беа робје на господарот?
„Вежби за Ибн Пајко“ од Оливера Николова (2007)
Тој беше мајстор за часовници и саат-кули.
„Вежби за Ибн Пајко“ од Оливера Николова (2007)
Па таа е мајстор за менување на текот на мислите.
„Светилка за Ханука“ од Томислав Османли (2008)
Таа е мајстор за менување на текот на мислите.  Наместо тоа во умот ѝ доаѓа сув податок: денес е 30 март 1943 година.
„Светилка за Ханука“ од Томислав Османли (2008)
Божем ќе ми прати мајстор за фрижидерот, а ништо од тоа.
„Јас - момчето молња“ од Јагода Михајловска Георгиева (1989)
Лагата беше претворана во вистина, а вистината во лага. Треба да си мајстор за таква работа.
„На пат со времето“ од Петре Наковски (2010)
Може ваперот ти ја мрднал секирата, му рече и наместо тутун на прстот му врза изгорена човечка коса. А татко беше голем мајстор за делкање.
„Пиреј“ од Петре М. Андреевски (1983)