Колокации | Дигитален речник на македонскиот јазик

Бидејќи вакви теренски испитувања се значително ретки во нашата држава, покрај првичната цел поврзана стриктно со конкретниот судски спор кој е во центарот на нашата анализа, гледавме ова истражу- вање истовремено да го искористиме и за прибирање податоци „од прва рака“ во врска со [не]запознаеноста на работниците за низа, навидум стручни, а всушност секојдневни прашања со кои тие се среќаваат на работното место (на пример: дали знаат како се формира синдикат на ниво на работодавач?; дали се запознаени како тече процедурата за организирање штрајк?; дали имаат информации за корупција кај трудовата инспекција? и сл.).

„Работни спорови - Позитивни примери од судската пракса“ од Димитар Апасиев (2011)

Сега, ако нешто е типично, може ќе го искористам - ако не е, тогаш нема.

„МАРГИНА бр. 37“ (1997)

„Имав приказна од еден извор и мислев дека тоа е општ ефект или општ начин на кој луѓето се однесуваат, место да дадам и многу други информации и да видам како конкретната приказна се вклопува во нив.

„МАРГИНА бр. 37“ (1997)

После паузата, го искористи првиот момент за разговор и веднаш ми рече: - Човекот мора да работи – без тоа животот е празен.

„Ветришта“ од Радојка Трајанова (2008)

Времето е толку кратко што таа мораше да го искористи. И истовремено да не брза.

„Балканска книга на умрените“ од Мето Јовановски (1992)

Од друга пак страна, обвинувањето на Шегвиќ за заразниот материјализам и марксизам Крлежа спремно го прифатил, уште повеќе, го искористил за отворено да се легитимира во својот материјалистичко-марксистички светоглед.

„МАРГИНА бр. 35“ (1997)

Маргина 35 49 Hildegard Brenner “УМЕТНОСТА И ПОЛИТИКАТА” енциклопедиска одредница На националсоцијализмот му припаѓа сомнителната заслуга: тој ја осозна социјалната активност на “уметноста” и направи единствен обид во историјата на модерното раководење со државата, подрачјето на уметноста техно-владеачки да го искористи, односно да го употреби за сопствени цели.

„МАРГИНА бр. 35“ (1997)

Секој брзаше нешто да купи, да го искористи намалувањето, а тоа за некои стоки беше извонредно големо...

„Патувања“ од Никола Кирков (1982)

Навистина е тешко да се искаже сето она што овде човек го чувствува од убавините што ги подарила природата - чист планински воздух, и токму тоа досетливиот белгијанец го искористил на овие места да прави таканаречени „бели“ летувалишта.

„Патувања“ од Никола Кирков (1982)

Инаку, највисокиот врв на ЕКСПО организаторите успеале да го искористат за продажба на сувенири - пред сè во знак на Атомиумот.

„Патувања“ од Никола Кирков (1982)

Другар му го изведе веднаш в лозје, повеќе дека сакаше самиот да го искористи сонцето.

„Послание“ од Блаже Конески (2008)

А овој беше го искористил моментот да се затскрие зад столб, да земе здив.

„Послание“ од Блаже Конески (2008)

Тој се сили да постигне најполна концентрација, да го искористи до најголем степен веќе скоро исцрпеното време.

„Послание“ од Блаже Конески (2008)

Многу млади се свесни за својата потенцијална политичка моќ и тоа и го искористуваат.

„МАРГИНА бр. 22“ (1995)

Тоа го искористил Антигон III Досон и повторно ја наметнал македонската власт над Пелопонез.

„Џебна историја на македонскиот народ“ од Група автори (2009)

Сакајќи да го искористи незадоволството што се појавило кај елинските градови-држави против Рим, Персеј со своите активности придонел за заладување на односите меѓу Рим и Македонија.

„Џебна историја на македонскиот народ“ од Група автори (2009)

Тој го искористил слабеењето на елинските градови-држави за да ја зацврсти својата власт.

„Џебна историја на македонскиот народ“ од Група автори (2009)

Тоа го искористил византискиот император Алексеј I кој со големи воени сили го освоил Костур.

„Џебна историја на македонскиот народ“ од Група автори (2009)

Тоа го искористил Хрс кој ја проширил својата територија се до Полог.

„Џебна историја на македонскиот народ“ од Група автори (2009)

Во исто време навлегувањето на крстоносците го искористил и рашкиот жупан Немања кој навлегол во Македонија и ги освоил македонските средновековни градови: Градец во Горни Полог, Лешок во Долни Полог и Скопје.

„Џебна историја на македонскиот народ“ од Група автори (2009)

Кратко затишје настанало со мирот од 346 г. п. н. е. што го искористил Филип II за да изврши подготовки за конечна пресметка со Атина и елинските градови-држави.

„Џебна историја на македонскиот народ“ од Група автори (2009)

Ако полицајците ја здогледаат Американката, ќе ни подарат уште еден час, да го искористиме.

„МАРГИНА бр. 26-28“ (1996)

Побрза да го искористи случајот, додека другите спиеја, да се расправи со Аргира.

„Бојана и прстенот“ од Иван Точко (1959)

6. Некаде помеѓу годишните одмори и театарската сезона, додека во бифето не почнаа да се прибараат неговите постојани посетители, Горда го искористи тој мртов период и едноставно ја снема од градот; но, впрочем, тоа беше за ден - два.

„Синовски татковци“ од Димитар Солев (2006)

Па така, времето што му остануваше до вечерта, Бојан го искористи да погледне уште еднаш насекаде, да измете, да среди, иако немаше многу што да поправа, да преместува.

„Бојан“ од Глигор Поповски (1973)

Но, Дишан оди многу подалеку, бидејќи предвидувајќи ги различните субјективни реакции на набљудувачот како соучесник и творец на уметничко дело, тој ја задржува контролата, па дури го искористува самиот набљудувач.

„МАРГИНА бр. 8-9“ (1994)

Ваквата формулација отвора простор за дополнителни притисоци кои работничката, отсутна поради бременост или родителство, би можела да ги трпи од страна на работодавачот, пред се, ако тие решат да се спротистават на хегемонијата на волјата на „газдата“ и се одлучат да го искористат ова свое загарантирано право тогаш кога тие сметаат за потребно; ● четврто, се воведе право на неплатено родителско отсуство на работничката заради грижа за детето, до три месеци, по завршување на отсуството од работа поради бременост, раѓање и родителство до периодот да наршување на тригодишна возраст на детето.

„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)

Ваквото алтернативно толкување на когентни (ius cogens) и императивни норми со останатите законски субординирани прописи е класичен пример за противуставност и авторите на оваа студија сериозно размислуваат да го искористат своето уставно загарантирано право и поднесат претставка до Уставниот суд на РМ, како споменатите норми во иднина би можеле да биде касирани.

„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)

Доколку новороденото дете, поради здравствени причини е задржано за нега или лекување, а во меѓувреме мајката или таткото се вратиле на работа, нивното отсуство поради раѓање и родителство се прекинува, со тоа што тие имаат право да го искористат неискористениот дел од законски загарантираното отсуство.

„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)

Со воведувањето на оваа обврска на директорот на училиштето, сериозно се нарушува правото на штрајк на вработените во основното и средното образование, бидејќи тоа ги одвраќа вработените да го искористат своето право на штрајк поради страв дека ќе го изгубат работното место, а исто така преку оваа одредба сериозно се доведува во прашање ефективноста на штрајкот како мерка која им стои на располагање на вработените за заштита на своите права.

„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)

Дека беше во прашање зависта сфатив кога реши да го искористи случајов и да ме замеша во разговорот и мене.

„Синот“ од Србо Ивановски (2006)

„Само на тие љубопитни и ситно зборлести женички им е позната адресата и канцеларијата на секретаријатот на таинствената институција во која се сортираат душите што го напуштаат животот“, му реков.

„Синот“ од Србо Ивановски (2006)

Второто навраќање на Боге од Бањи, само за да проверел колку ми напреднала работата, го искористив за да му го соопштам моето мислење дека изгледа токму бабите се најдобро информирани за однесувањето, дејствијата и последиците на смртта.

„Синот“ од Србо Ивановски (2006)

- Може да се случи да вечераш со некого кој, откако ќе го примиш в друштво, ќе се обиде да го искористи тоа.

„Синот“ од Србо Ивановски (2006)

Замисли си да прогласиш за пријател обичен крадец!

„Синот“ од Србо Ивановски (2006)

„Го гледам син ти како расте и се си велам на кого ли личи детето“, се засмеа злочесто Огнена.

„Синот“ од Србо Ивановски (2006)

Оти беше точно: јас немав спиено со жена, и Луција го виде тоа; го искористи тоа за да ми се потсмева, да ми врати за понижувањето.

„Папокот на светот“ од Венко Андоновски (2000)

Во децениите по Милдред Пирс Крафорд се обидела да го искористи успехот на тој филм, специјализирајќи се за слични улоги и правејќи ги свој заштитен знак, личен белег, определен со единствена комбинација од гламур и абјектност (односно, крајна, обезвреднителна пониженост).178 Дали, тогаш, машката геј-култура нѐ учи да ѝ се смееме на Крафорд?

„Како да се биде геј“ од Дејвид Халперин (2019)

Што се однесува до другите групи и автори нивното приближување кон country повеќе е неочекувано нападно отколку шокантно. Bob Mould го искористи одморот во работата со групата Sugar за да, во потрага по инспирација, привремено се пресели во Austin, Texas, новата мека на country музиката; Kim Deal од The Breeders и Donita Sparks од L7 ги истакнуваат Dolly Parton и Patsy Cline како свои неприкосновени хероини; Henry Rollins ќе ја вклучи Елвисовата “Love Me Tender” на својот нов албум, а песните на Frank Black, Mark Lanegan и Chris Cornell (The Soundgarden) ќе се најдат на новиот албум на Johnny Cash.

„МАРГИНА бр. 1“ (1994)

Почна да му се врти во глава мислата дека освен за дијамантот, старецот ќе го искористи и за други работи, за гатање судбини на други луѓе, од гатање може многу да се добие!

„Мудрецот“ од Радојка Трајанова (2008)

Властите, коишто и без тоа се сомневале во него и во неговите другари дека се членови на Организацијата, без двоумење можеле да го искористат тој факт и да го прогласат за член на Гемиџискиот кружок.

„Солунските атентати 1903“ од Крсте Битоски (2003)

Националните и пропагандните разлики се повлекоа и Комитетот во секој случај не ќе пропушти да го искористи таквото расположение на христијаните.

„Солунските атентати 1903“ од Крсте Битоски (2003)

Ако тие потребности на поданиците не се зачуваат и ако Турција продолжува да биде неискрена во прилагањето на реформите, тогаш од тоа ќе: настрада најмногу пак таа: 1/ таа ќе биде принудена со сила да воведе некои реформи, 2/ ако и потоа населението не биде оградено во национално-религиозен и економски однос, тогаш тоа ќе го искористат непријателите на Турција да направат брканица во Македонија за да ловат риба во матна вода.

„За македонцките работи“ од Крсте Петков Мисирков (1903)

Но, зборот Кујна можеме да го искористиме и како метафора, па на прашањето на Хандке, можеме да одговориме и поинаку.

„Календар за годините што поминале“ од Трајче Кацаров (2012)

Но ти, еве, ми ги кажа вистинските зборови: Престани да проповедаш!“

„На пат кон Дамаск“ од Елизабета Баковска (2006)

Имаше време кога мислев дека мојот живот би немал вредност доколку не го искористам за да ја извршам мисијата што ми ја довери Господ Исус: да им ја проповедам на луѓето Радосната Вест за Божјата милосрдна благонаклоност...

„На пат кон Дамаск“ од Елизабета Баковска (2006)

Но, мораш да го искористиш патоказот кој ти го нудам. Отсега продолжуваш сама“.

„Последната алка“ од Стојан Арсиќ (2013)

Времето го искористи за прошетка низ градот.

„Последната алка“ од Стојан Арсиќ (2013)

Во едно од неколкуте утра додека Томо замина да ги оптегне нозете, Јана го искористи мигот кога со Рада останаа сами.

„Последната алка“ од Стојан Арсиќ (2013)

Оние луѓе гледаа да го искористат кусото време на одморите за да ја заситат малку својата глад, а тој - за да поработи, и тоа се повторуваше секој ден.

„Белата долина“ од Симон Дракул (1962)

Втората, Линда Еванс (Кристл) својот лик во Династија го искористи за понатамошна специјализација во правец на слични улоги.

„Филтер Југославија“ од Константин Петровски (2008)

Полицајката тоа го искористи и тоа беше капак на сè.

„Полицајка в кревет“ од Веле Смилевски (2012)

Не оставајќи ѝ време да реагира, ја повлече со левата рака, а десната ѝ ја стави околу вратот и му викна на Сатурн Волшебникот: – Одете си! Сатурн побегна избезумен.

„Црни овци“ од Катица Ќулавкова (2012)

Ја погледна Херкулина. Таа го искористи моментот за да покаже кон својот рачен часовник и да го потсети дека времето за посета истекло.

„Црни овци“ од Катица Ќулавкова (2012)

Импулсивен хаос, адекватно време за умните, кои тоа добро знаат да го искористат.

„Читај ми ги мислите“ од Ивана Иванова Канго (2012)

Согласно со неговото толкување, 20-иот век би требало да го зацврсти тоа раздвојување и да го искористи.

„МАРГИНА бр. 36“ (1997)

Вие го напуштивте во 1993 година не согласувајќи се со договорите од Осло...

„Амбасади“ од Луан Старова (2009)

Махмуд Дарвиш беше свесен дека пред себе нема љубопитен новинар кој би го искористил неговото присуство за ексклузивно интервју туку човек, писател и поранешен дипломат кој ја споделува на еден посебен начин судбината на неговиот народ, како дел од човековата судбина...

„Амбасади“ од Луан Старова (2009)

Ако не друго, групата на Дарко секако ќе се потрудеше да го искористи Александар за да инфилтрира свој човек во Секретаријатот за информации.

„Браќата на Александар“ од Константин Петровски (2013)

И тоа што учел им дојде згодно на пријателите на Борко да го искористат и да можат да кажат Симон да биде чувар. Земаше редовна плата за тоа.

„Братот“ од Димитар Башевски (2007)

Ја напишав најнапред без да посветам многу внимание на споредните работи, важно ми беше да го искористам моментот за да ја пренесам мојата мисла на хартија, па откако сето тоа го направив се навраќав неколку пати да го препрочитам напишаното.

„Седум години“ од Зорица Ѓеорѓиевска (2012)

Исто така, се предвиде можноста, во случај корисникот на попустот да го искористи правото за исплата на остатокот од продажната цена на акциите, односно уделите, да се стекне со правото на дополнителен попуст согласно одред- бите од овој закон (чл. 2, ЗИДЗТПОК/дек.99).

„Обезвреднување на трудот“ од Савески, Апасиев, Ковачевски, Василев (2010)

Прво, ова право ќе се материјализира само ако тоа го предвидува статутот на друштвото и, второ, во случај мнозинството вработени да не донесат одлука да не го искористат ова право.

„Обезвреднување на трудот“ од Савески, Апасиев, Ковачевски, Василев (2010)

Ова право го уживаа оние невработени лица кои веќе го искористиле правото на паричен надоместок или не ги исполнуваа условите за негово остварување, а чии приходи (нивни и на нивните потесни семејства) не надминуваа одреден износ.

„Обезвреднување на трудот“ од Савески, Апасиев, Ковачевски, Василев (2010)

Стјуардесата го искористи неговото присуство и, сосем малку, се оддалечи.

„Омраза - длабоко“ од Драгица Најческа (1998)

Фатил пријателство со мулазимот од кашлата, со ќатипот од конакот, та дури и со стариот Мудур Арслан — беј; и зошто овие ќе го искористат овој млад човек ако не за кодошлак кај мариовките?

„Крпен живот“ од Стале Попов (1953)

Волкот изеде ждребиња, телиња, јагниња, јариња — како секоја година и секаде, но Стале го искористи овој материјал и помогнат од вдовицата Трна ги наплаши селаните да почнат со подготовките за манастирот.

„Крпен живот“ од Стале Попов (1953)

— Ами како го втаса ковчегот, мори орјатко? — продолжувзше со прашањето Доста да разбере и да го искористи и таа овој марифет, да ја научи и ќерка си Божана.

„Крпен живот“ од Стале Попов (1953)

Тогаш Ајша сакаше да го искористи во наговорувањето, затоа, по свршената работа доцна навечер, не забораваше да и натолчи: – Потурчи се, мори будалче, потурчи се да живееш како нив. Ем уште поарно.

„Калеш Анѓа“ од Стале Попов (1958)

Албанија не ги подотвори границите, не го искористи историскиот момент да се отвори кон слободна Европа. Таа уште повеќе се затвори.

„Ервехе“ од Луан Старова (2006)

„Еве“, му рече. „Ти донесов фотокопија од еден документ што јас не можам да го искористам, но се сетив дека тебе како на писател можеби ќе ти биде интересен...“

„Продавница за љубопитните“ од Мето Јовановски (2003)

Братучедите го искористија моментот и јурнаа кон него со кренати раце повторувајќи: - Се предаваме! Се предаваме! ...

„Будалетинки“ од Мето Јовановски (1973)

Оној кој е подбркан од судбината, независно од тоа кој пат ќе го искористи за да исчезне, не може да се ослободи од прогонувачот, постојано ќе го чувствува неговиот здив на вратот, дури и тогаш кога тој прогон ќе го прогласи и за проклетство што којзнае како му се присламчило па во чекор го следи, барем така го чувствува лично тој иако знае дека помеѓу него и прогонувачот се протега добар дел од пуста и неосветлена улица.

„Желките од рајската градина“ од Србо Ивановски (2010)

Реков: дозволете ми да го искористам моментот и да ви предочам барем еден дел од мојата судбина.

„Желките од рајската градина“ од Србо Ивановски (2010)

- Не те разбирам – мислам дека ми рече таа.

„Летот на Загорка Пеперутката“ од Србо Ивановски (2005)

Кога открив дека сме заедно слушнав како ѝ велам дека не смее да го искористува моето невнимание.

„Летот на Загорка Пеперутката“ од Србо Ивановски (2005)

Помислив: ќе се втурнам по неа, а потоа и со нозе, и со раце, ќе го подбркам тој несреќен добиток којзнае како напикан во толку тесна просторија.

„Летот на Загорка Пеперутката“ од Србо Ивановски (2005)

Наеднаш ми се роди лудата идеја да го искористам моментот кога ќе ја отклучува месарницата.

„Летот на Загорка Пеперутката“ од Србо Ивановски (2005)

Дека тоа можат да го искористат Италијанците во својата пропаганда?

„Постела на чемерните“ од Петре Наковски (1985)

Луман го искористи тоа за да си ја сврши работата по која беше дојден кај Бошка Манев.

„Луман арамијата“ од Мето Јовановски (1954)

Извини, сè ова што сега го велиш и што ќе го кажеш и другпат во врска со таа побуна на жените, можеби е и точно; можеби твојата Партија умеела да го искористува народниот гнев и тоа во полза на народот, но не смееш да го одречеш и тоа, дека нигде не е запишан ќотекот што таа иста вечер го изела Рајна.